Sarah- Lloydie movie naka-P20M na!
CEBU, Philippines - Nikita og P20 million ang pelikula nila ni Sarah Geronimo ug John Lloyd Cruz nga Finally Found Someone atol sa opening day niini niadtong Miyerkules, Hulyo 26.
Kini gibutyag sa Star Cinema pinaagi sa usa ka post gamit ang ilahang official Instagram account.
Atol sa premier night, giasoy ni Sarah ug John Lloyd nga dili gyud nila matag-an kung makab-ot ba sa ilahang pelikula karon ang susamang kalampusan sa ulahing salida nila nga It Takes A Man and A Woman niadtong tuig 2013 nga nikita og P387 million. (Junas Dungog Flores)
Park Shin-hye mibisita sa nasud
Nia karon sa nasud ang sikat nga Korean actress nga si Park Shin-hye. Nailhan siya og samot sa kadaghanan sa dihang siya ang nahimong co-star sa Korean superstar nga si Lee Min Ho sa Koreanovela nga “The Heirs” nga gipasalida sa ABS-CBN.
Nitikang siya sa nasud alang sa iyang “fun meet and concert” karong adlawa sa Araneta Coliseum.
Ang maong event gipasiugdahan sa usa ka local clothing brand nga gi-endorso sa Korean actress.
Dili kini ang labing unang higayon ni Park nga nibisita sa Pilipinas , kahinumdoman nga nakatikang na siya sa nasud niadtong 2013 sa dihang nagpahigayon kini og tour sa "Kiss of Angel.” (BANAT NEWS)
- Latest