Alexander Lee ipares kang Heart
CEBU, Philippines - Pormal na nga gipahibalo sa GMA-7 sa miaging gabii ang makauban ni Heart Evangelista sa upcoming series niini nga My Korean Jagiya .
Makapares niya ang South Korean actor ug kanhi miyembro sa U-Kiss nga si Alexander Lee.
“I was very nervous because I didn't know about how Filipino drama it's going to be. And I know that Heart is going to be in it so I was really nervous and excited actually. I never thought I could go back to drama,” suma pa ni Alexander sa interview niini sa 24 Oras.
Mao kini ang labing una niya nga Pinoy series, apan kadaghan na siya nakatikang dinhi sa Pilipinas gumikan sa concert kaniadto sa grupo niya nga U-Kiss. (Sanden J. Anadia)
“Kita Kita” naka- P90M na!
Nagmaya og maayo sila si Alessandra de Rossi ug Empoy Marquez gumikan kay niabot na og P90 million ang kita sa pelikula nila nga Kita Kita sulod pa lang sa usa ka semana nga pagpasalida niini.
Nasayran nga nikalit lang og kakusog ang maong pelikula gumikan sa mga positibo nga review sa mga tawo nga nakatan-aw niini.
Ang tanang eksena niini gi-shoot didto sa Japan ug gipaluyohan kini sa film outfit ni Piolo Pascual nga Spring Films.
Istorya kini sa Pinay nga tourist guide didto sa Japan nga nahiagom og temporaryong pagkabuta ug dunay lalaki nga kalit nibutho sa iyang kinabuhi nga maoy nakapapitik sa iyang kasingkasing.
“Maraming Maraming Salamat po sa inyong lahat mga Kabayan!! 90 MILLION on its first week tayo. ?????? Mula kay Lea, Tonyo at sa buong team maraming Salamat po! I think Click tayo. ?? And we are now on its our 2nd Blockbuster week with more than 120 cinemas!! (Rikitiktikiti ????) . . Sugod na sa mga sinehan Kabayan! Realtalk Iexperience mo to !! #KitaKita Hangover ????????,” suma pa sa Instagram post sa Cornerstone Entertainment.
Ang tagdumala sa maong pelikula nagtuo nga mosaka pa ang kita niini sanglit padayon gihapon kini nga gilinyahan sa mga sinehan. (Sanden J. Anadia)
Whang-od bisitahon ni Coco?
Dako og posibilidad nga bisitahon ni Coco Martin ang iyang avid fan nga sikat ug labing tiguwang nga tribal tattoo artist nga si Whang-od nga nagbase sa Kalinga.
Sa iyang Instagram account, nipakita og senyales si Coco human kini ni-post og, “See you soon, La.”
Kahinumdoman nga nagpadala og regalo si Coco ngadto kang Whang-od ug nahimo kining emosyonal gumikan kay wala kini nagdahom nga buhaton kini sa iyang idolo.
Sa usa ka video clip , nihatag pa si Whang-od og tambag kang Coco nga nagkanayon,” “’Pag mag-aasawa ka Coco, dapat maghanap ka ng maganda gaya ng iyong kagandahan. Tingnan mo rin ‘yung mabait na aalagaan ka niya para hindi ka kawawa sa huli. Sayang ang iyong kagwapuhan.”
Justin nag-sorry sa fans
Nangayo og pasaylo si Justin Bieber sa tanan niya nga fans nga nasagmuyo human iyang gikanselar ang naglinya niya nga mga concert.
Suma pa ni Justin nga gikinahanglan lang gyud niya ang pahuway karong panahona ilabi na nga niabot na og duha ka tuig ang iyang world tour.
"I love you guys, I think you guys are awesome. I'm sorry for anyone who feels, like, disappointed or betrayed, it's not in my heart or anything and have a blessed day," suma pa sa singer nga nigawas pinaagi sa video nga gi-post sa celebrity news site nga TMZ.com.
Samtang ang iyang manager nga si Scooter Braun nagkanayon nga igo lang nila gihatagan og bili ang kagustohan ni Justin ug iyaha kini nga girespeto.
"On behalf of myself, Justin, and the team, we are sorry. That was never our intent. But a man's soul and well being I truly care about came first and we must all respect and honor that," matud pa ni Braun.
Paulo dili diay imbitado
Wala na makaantos si Paulo Avelino sa isyu kalabot sa wala niya pagtikang sa 7th birthday celebration sa anak nila ni LJ Reyes nga si Ethan Akio.
Matud pa ni Paulo nga dili siya imbitado sa maong okasyon. Gitataw hinuon sa aktor nga nagpadala siya og regalo sa iyang anak.
Ang maong party gipahigayon sa usa ka restaurant sa Quezon City niadtong July 22 nga gitambongan sa pamilya ug suod nga mga higala ni LJ.
Suportado usab si LJ sa iyang bag-ong boyfriend nga si Paolo Contis, (Sanden J. Anadia)
Juday ug Angelica mag-uban sa pelikula
Mag-uban sila si Judy Ann Santos ug Angelica Panganiban sa usa ka pelikula nga nag-ulohan og Ang Dalawang Mrs. Reyes.
Si Jun Lana ang direktor sa maong proyekto ug paluyohan kini sa Star Cinema ug Quantum Films.
Wala pa sila’y nakit-an nga aktor nga mahimong ipares nila ni Juday ug Angelica.
(BANAT NEWS)
- Latest