Ai Ai mi-renew sa GMA-7

CEBU, Philippines - Natuldokan na ang tsismis nga  mobalik si Ai Ai delas Alas sa ABS-CBN gumikan kay gipili niini nga magpabilin gihapon sa GMA-7.

Ni-renew ang komedyanteng aktres sa iyang kontrata sa GMA-7 niadtong Lunes.

"Dito naman talaga ako nag-start, parang coming home ulit, at syempre mahal din naman nila ako, binibigyan nila ako ng work, so I'll stay," suma pa ni Ai Ai.

Nitambong sa contract signing  mao sila si GMA Network chairman and CEO Atty. Felipe L. Gozon, SVP for Entertainment Lilybeth ug uban pa nga GMA executives.

“Si Ai-Ai ang tinatawag na balik-bayan, and alam naman niya kung nasaan ang puso niya dahil natikman na 'yung dalawang taon,” nagkanayon si  Gozon.

Makauban  ni Ai Ai sa umaabot niya nga programa sa GMA-7 ang higala niya nga si Vic Sotto.   

Lloydie nakahilak sa suwat ni Caridad

Wala makapugong si  John Lloyd Cruz sa  pagtulo sa  iyang luha  sa dihang gibasa niya ang suwat  gikan sa  beteranang  aktres nga si Caridad Sanchez.

Alang sa kasaulogan sa  iyang  ika-20 ka tuig sa showbiz, gisurprisa kagahapon sa programang  "Magandang Buhay" si John Lloyd sa usa ka suwat  gikan ni  Lola Caridad nga nakauban niya kaniadto sa  seryeng "Tabing Ilog."

Gidala ni  John Lloyd sa "Tabing Ilog" ang karakter ni Rovic, apo sa  karakter ni Caridad nga si Lola Juling.

"Simula nang magkatrabaho tayo sa 'Tabing Ilog' ang lagi kong sinasabi sa iyo ay ang pagiging mabuting anak mo at mahusay na katrabaho. How I wish na kasama mo ako diyan, para mag-celebrate pero matanda na ang Lola mo. Pero gusto kong malaman mo na I keep on watching you until now. I'm so proud of you noon pa man. Alam ko na magiging great actor ka at hindi ako nagkamali. Twenty years in this industry is no joke. Sobrang masaya ako na umabot ka ng 20 years at naging bahagi ako ng iyong career noong nagsisimula ka pa lang. Thank you for the love and you have my respect. You will always be my John Lloyd, my Rovic. I love you,"   ang unod sa suwat ni Caridad ug emosyonal si John Lloyd sa pagbasa niini.

Nanghinaot    ang aktor nga mabisita niya   si Caridad gumikan kay dako siya og utang kabubut-on niini.  Daghan siya og nakat-onan sa maong aktres ilabi na sa paghatag og bili sa trabaho.

"Sobra ang laki ng papel mo sa kung ano ako ngayon, sa kung paano ko binibigyan ng halaga ang trabaho ko, napakalaki ng role mo doon. I love you," ani John Lloyd.

Simple girl

Giangkon ni Paulo Avelino nga uyab sila sa Filipino-Australian model nga si Jodie Elizabeth Tarasek.  Suma pa ni Paulo nga simple kaayo ang maong babaye hinungdan nga na-attract siya niini.

Derrick gisuyaan

Tsika pa ni Derrick Monasterio nga duna’y pipila ka mga artista ang nasuya kaniya.  Kever lang si Derrick niini gumikan kay naka-focus ra gyud siya sa iyang trabaho.  Nasayran nga wala gyud mabakante ang career ni Derrick sa GMA-7.

Abra mo-arte na!

Sa labing una nga higayon, nidawat ang rapper nga si Abra og acting project. Nalakip si Abra sa pelikulang “Respeto” nga entry sa 2017 Cinemalaya Philippine Independent Film Festival. Gidawat niya ang maong proyekto aron  iyang mapamatud-an nga  duna siya’y ikabuga sa pag-arte.

Motabang og atiman

Gipasalig ni Paolo Contis ngadto sa iyang girlfriend nga si LJ Reyes  nga motabang  siya og atiman sa anak niini nga si Aki.   Ang nahisgotan nga bata maoy anak ni  LJ sa  kanhi boyfriend niini nga si Paulo Avelino.

Matinahuron

Nisaludo si Sherilyn Reyes Tan ngadto sa Kapuso stars nga sila si  Ken Chan ug  Ayra Mariano gumikan kay duna kini respeto sa mga karaan nga artista. Saksi siya sa maayong batasan nila ni Ken ug Ayra sa dihang nagkauban sila niini sa usa ka episode sa Magpakailanman.   Suma pa ni Sherilyn nga duna gyu’y ubang young stars nga  labyan lang ang kauban nila nga mga artista kon naa sila sa set.

Jason mibalhin sa GMA

Malakip  ang produkto sa Pinoy Big Brother nga si  Jason Francisco sa serye ni Dingdong Dantes nga  'Alyas Robinhood 2' sa GMA-7.  Duna’y mga nagduda nga wala na gi-renew si Jason sa ABS-CBN.

Carla nagpasalamat kang Kris

Nagpasalamat si Carla Abellana ngadto kang Kris Aquino gumikan sa pagsuporta niini sa iyang show sa GMA-7 nga 'I Heart Davao'. Una na nga gibutyag ni Kris nga malingaw gyud siya  sa  maong programa.

Panawagan ni Ate V

Naguol pag-ayo si Vilma Santos gumikan  kay duna gyu’y mga tawo ang wala kauyon sa lovelife sa iyang anak nga si Luis Manzano nga uyab karon ni Jessy Mendiola.  Panawagan ni Ate V nga pasagdan na lang unta nga magmalipayon sila si Luis ug Jessy.

Anak ni Jeric mag-artista

Misulod na sa showbiz world ang kinamanghoran nga anak ni  Jeric Raval nga si  Janina . Dili pa lang dugay, nipirma og kontrata si Janina sa Viva Artists Agency (VAA).  First year college si Janina sa Trinity College of Asia ug nikuha siya sa kursong Hotel and Restaurant Management.

Nataypan sa Goo Goo Dolls

Puwerting lipaya  ni Khalil Ramos sa dihang nidayeg kaniya ang international rock band nga Goo Goo Dolls sa  iyang cover song  nga  “Iris”. Ang Goo Goo Dolls maoy  orihinal nga nag-awit sa Iris ug nataypan niini ang version ni Khalil. (BANAT NEWS)