Okay lang

CEBU, Philippines - Bukas si Bela Padilla nga makatrabaho puhon si Angel Locsin .   Ex-boyfriend ni Bela ang gidungog nga uyab karon ni Angel nga si Neil Arce.   Dako og posibilidad nga magkauban sila puhon sa proyekto sanglit susama man sila nga nagpasilong sa poder sa ABS-CBN.

Gitinuod og kiha

Gitinuod gyud ni Claudine Barretto ang iyang hulga nga ireklamo niya sa  National Bureau of Investigation (NBI) Cybercrime Division ang basher sa iyang anak.  Napungot ang aktres sa dihang gitawag ang iyang anak og  ‘batang lansangan’ ug ‘panget.’  Una na nga gibutyag ni Claudine nga okay ra unta kon siya ang sawayon basta dili lang gyud apilon ang iyang anak.

Sikreto ng Piso

Iduso  ni Direk Perry Escano ang pelikula niya nga Sikreto ng Piso aron mahimong entry sa Metro Manila Film Festival 2017 ug manghinaot siya nga madala kini sa  Magic 8. Ang maong pelikula gibidahan ni Alfred Vargas.

Onyok  pasok sa Panday

Pasok ang child actor nga si Xymon “Onyok” Pineda sa cast sa pelikula ni Coco Martin nga Ang Panday. Nawagtang na ang karakter ni Onyok sa FPJ’s Ang Probinsyano  busa malipayon kini nga makatrabaho niya og balik si Coco.

Fangirl/Fanboy

Sila si Ella Cruz ug Julian Trono ang mga bida sa  pelikulang Fangirl/Fanboy sa  Viva Films.  Karong  September 6 ang play date niini  apan nagsugod na ang duha sa promosyon sa ilang pelikula.

Magpabiling Kapamilya

Nipirma og exclusive contract si Amy Perez sa  ABS-CBN sa miaging adlaw.   Gawas sa iyang mga programa sa telebisyon, gihatagan usab siya og radio program sa  dzMM.

Mosulod og gay bar

Mahigalaon nga pagkatawo si Jerald Napoles, gani daghan siya og friends nga bayot. Usahay mosulod pud siya og mga gay bar. Wala’y malisya alang kaniya kung mosulod siya og mga gay bar.

Tungod ni Kyle

Blooming kaayo ang panagway ni Jane Oineza karong panahona ug kini gumikan sa kanhi "Pinoy Big Brother" housemate nga si Kyle Secades.  Gihulagway niya si Kyle nga “happiness” sa iyang kinabuhi. Kanunay kiligon si Jane kon hisgotan ang pangalan ni Kyle.

Maghuwat gyud

Gibutyag ni Elmo Magalona nga dili siya mo-surrender sa pagdiskarte kang Janella Salvador bisan pa man nga nilenggua kini nga dili pa siya andam mosulod og relasyon. Aminado hinuon si Elmo nga wala siya magdali ug dili gyud siya mapul-an sa pagpinaabot sa hukom ni Janella.  Luis nalingaw ra sa mga meme

Gibutyag ni  Luis  Manzano nga wala ra siya masuko sa mga nanggawas nga meme sa social media diin  gihisgotan nga ang mga babaye sa iyang kinabuhi  nag-una gyud  sa FHM Sexiest Women poll.

Lakip na niini mao sila si  Jennylyn Mercado, Angel Locsin, ug ang iyang  kasamtangang girlfriend nga si  Jessy Mendiola.

Duna’y  mga komedya nga angayan na mabalaka  si James Reid gumikan kay basin mailog ni Luis ang uyab niini nga si Nadine Lustre nga maoy nag-una karong  tuiga sa FHM “sexiest poll” .“Nakita ko nga, e... Congrats kay Nadine.Hindi, okay na ako. Kumbaga, lumagay ako sa tahimik.Palabiro din akong tao, those things naman kaya kong pagtawanan din,” suma pa ni Luis.

Song Hye Kyo dili mabdos

Hugtanong gihimakak sa kampo sa Korean superstar nga si  Song Hye Kyo  ang isyu nga matud  pa nagsabak siya.

Dili pa lang dugay, gianunsyo sa aktres ug sa iyang uyab nga si Song Joong Ki nga kaslon sila karong October 31.

Human sa maong anunsyo, niulbo dayon ang isyu nga nagsabak ang aktres.

"This rumor is completely groundless," suma pa sa United Artists Agency nga maoy naghupot sa career ni Song Hye Kyo.  (BANAT NEWS)