Sila na gyud!

CEBU, Philippines - Dili na gyud mabangbang ang klaro na kaayo nga relasyon nila ni Neil Arce ug Angel Locsin.  Gawas nga mag-date sila permi,   magsinukliay usab ang duha og sweet messages sa social media.  Gidayeg ni Neil ang talento ni Angel sa pag-arte. “They can remake all your shows but there will never be anyone like you,” mensahe pa ni Neil ngadto ni Angel.

Tekla natsugi?

Tak-om pa ang kampo ni Willie Revillame kalabot sa tsika nga matud pa gitaktak sa Wowowin si Super Tekla.   Nasayran nga nangita na ang fans ni Tekla  ngadto sa ilang idolo.

Ronnie mihimakak

Hugtanong gihimakak ni  Ronnie Alonte  ang taho nga duna sila’y relasyon ni Loisa Andalio . Apan igo ra nikatawa ang netizens  gumikan kay lanog kaayo sa showbiz world ang maong taho nga duna sila’y espesyal nga relasyon.

Pinangga si Yaya

Dako gyud og papel sa kinabuhi ni Alfred Vargas ang iyang yaya gumikan kay mao kini ang nag-atiman kaniya sukad sa iyang pagkabata.  Nalakip ang iyang yaya sa listahan sa iyang mga ninang sa umaabot nga church wedding nila ni Yasmine Espiritu karong July 23.

Nagtukod og foundation

Andam si Shaina Magdayao nga mohinayhinay sa pagbiya sa showbiz aron matutokan niya ang giumol niya nga foundation. Ganahan si Shaina nga makaalagad sa iyang isigkatawo.

Dream come true

Tsika pa ni Cristine Reyes  nga dream come true alang kaniya ang pelikula sa Star Cinema nga Seven Sundays kinsa kauban niya  si Aga Mulach. Suma pa sa aktres nga dili basta-basta si Aga busa dakong dungog alang kaniya nga iyaha kini nga makauban sa usa ka proyekto.

Romnick gihangop

Mapasalamaton si  Romnick Sarmenta sa init nga paghangop nga iyang nadawat gikan sa TV viewers.  Nasayran nga nibalik na si Romnick sa pag-arte pinaagi sa pantaserye nga "La Luna Sangre." Una na nga gibutyag sa aktor nga nihatag siya og dakong oras sa iyang pamilya hinungdan nga nipahuway siya sa showbiz sulod sa taas nga panahon. 

Madayon na gyud

Mosikad na karong July 3  ang bag-ong afternoon drama series ni Kris Bernal  sa  GMA 7 nga Impostora.  Mao kini ang ihulip sa timeslot sa Legally Blind  nga mahuman na karong adlawa. Nasayran nga makadaghan na nga higayon nga nauswag ang pag-ere niini gumikan sa kadaghang show sa GMA-7.  “I can’t wait for you all to see my new drama series because it’s just THAT good, hell of a hard work, and airing got delayed for months due to afternoon shows’ further extension,” suma pa sa Instagram post ni Kris.

Pinay nakadaog sa ANTM

Ang 19 anyos nga Filipina model nga si Maureen Wroblewitz maoy labing una nga contestant nga nagikan sa Pilipinas nga nahimong grand winner sa  “Asia’s Next Top Model ” Season 5.

Gipildi niya sa final round  niadtong Miyerkules ang mga modelo nga sila si

Shikin Gomez (Malaysia)  ug  Mnh Tu Nguyen (Vietnam).

 Nilutaw og samot ang kaguwapa ni Maureen sa final round sa  dihang  gisuot niya ang meztiza gown nga duna’y mga perlas.

“That image is exactly what I wanted to see from you at the end of this competition,"  matud pa sa usa sa  mga hurado sa maong kompetisyon nga si Cindy Bishop. (Sanden J. Anadia)

Sexiest Woman in The Philippines; Nadine milangkat sa grand title

Ang Kapamilya star  nga si  Nadine Lustre maoy nakalangkat sa unang puwesto sa listahan sa  “100 Sexiest Women” sa FHM Philippines

“Nadine Lustre’s ascension to the Throne of Sexy comes as no surprise – not only does she have the most loyal fans, she also has the glowing assets to show for it. Give her a warm welcome”  suma pa sa Facebook post sa  FHM Philippines .

Nakakuha si Lustre og  491,039 votes or 9.85%. Nahimutang usab sa ikaduhang puwesto mao si  Kim Domingo (450,192  votes or 9.03%) ug gisundan  nila ni Rhian Ramos (359,405 votes  or 7.21%), ingon man usab sa  winner sa miaging tuig nga si  Jessy Mendiola (350,182 votes  or 7.03%).

  “Thank you po. Maraming, maraming salamat po sa lahat ng mga bumoto. And of course, sa FHM. I’m really happy and I’m really proud,” tsika pa ni  Nadine ngadto sa ABS-CBN News.

Nikumpleto sa lishatan sa Top 10 mao sila si  Ellen Adarna (320,391 or 6.43%) ,Jennylyn Mercado (318,273 or 6.39%), Angel Locsin (248,192 or 4.98%), Liza Soberano (201,925 or 4.05%), Maine Mendoza (200,182 or 4.02%), ug  Solenn Heussaff (180,294 votes or 3.62%). (BANAT NEWS)