Shaina dali nga mayayay

CEBU, Philippines - Dili malikayan nga masakit si  Shaina Magdayao gumikan sa todo trabaho  ilabi na karon nga busy siya sa  taping sa seryeng The Better Half sa  ABS-CBN.

Suma pa sa aktres nga   nihinay  ang iyang immune system ilabi na nga bug-at pa gyud kaayo ang iyang mga eksena alang sa  karakter niya nga Camille sa maong serye.

 “Sa sobrang nadadala, pati immune system ko inabot na. Kasi, stressed talaga ‘yung katawan namin, sa totoong buhay. Kung ano-anong tumutubo at namamaga sa mukha ko. And first time siyang nangyayari,” tsika pa niya ngadto sa push.com.ph.

Kon wala’y taping, gipaneguro  gyud ni Shaina nga ma-relax   ug ma-workout aron mawala ang stress.

Hayden ug Dra. Vickie nagpakasal na!

Nagpakasal na sa miaging adlaw sila si Hayden Kho ug  Vicki Belo pinaagi sa civil ceremony .

Si  Mayor Abigail Binay sa Makati City   maoy nagkasal sa duha.

"'Therefore shall a man leave his father and his mother, and shall cleave unto his wife: and they shall be one flesh.' #OfficiallyOffTheMarket" suma pa sa  Instagram post ni Hayden.

Samtang si Dra. Vicki ni-post usab og : "I was afraid that I would feel like I would lose my freedom by getting married . Instead I feel joyful and free. Thank you #mayorabbybinay for officiating our civil wedding."

Nagplano ang magtiayon nga mopahigayon na pud og dugang seremonya sa kasal didto  sa France karong September.  

Gong Yoo ug Anne magpares sa pelikula?

Nikisaw karon ang taho nga matud pa nilupad niadtong weekend sa South Korea ang kadagkoan sa Viva Entertainment nga gipangulohan ni Vic Del Rosario  ug nakigtigom na kini sa mga partner alang sa usa ka movie project.

Usa matud pa sa gi-target nga mahimong bida niini mao ang Goblin" ug  "Train to Busan" star   nga si Gong Yoo  ug ang Pinay actress nga si  Anne Curtis  maoy iyang makapares sa maong pelikula.

Nasayran nga giidolo ni  Anne si  Gong Yoo busa maisip nga  “dream come true” alang sa aktres kon madayon ang maong proyekto. 

Karla na-starstruck kang Regine

Puwerting lipaya ni  Karla Estrada sa dihang nahimamat niya ang iyang idolo nga si Regine Velasquez sa miaging gabii.

Nasayran nga nidalit og panihapon si Regine ug Ogie Alcasid  alang sa mga hurado sa "Tawag ng Tanghalan" sa It’s Showtime.

Gawas kang Karla, nitambong usab sila si Jolina Magdangal, Jaya, Kyla, Jed Madela, Erik Santos, ug ang  It’s Showtime host nga si Vice Ganda.

Wala maglangay si Karla, sa dihang  nakakita siya kang Regine,  nagpahulagway dayon siya  uban sa Asia’s Song Bird.

Mao kini ang   Instagram post  ni Karla "Happiest day ever!!! For 26 years in the industry, nakasama ko rin sa wakas ang idol ko sa kantahan. Maraming salamat @reginevalcasid sa chance na makita at makasama ka. #fangirling#proudfan #blessedfangirl".  (Sanden J. Anadia)

Coco miduaw kang FPJ

Niduaw  sa miaging adlaw  si Coco Martin sa sam-ang  kung diin gilubong ang sikat nga aktor  nga si    Fernando Poe  Jr.

   Mao kini ang nagsilbing ritual   sa aktor sa  dili   pa niya sugdan ang movie project niya nga Ang Panday nga unang orihinal nga gibidahan ni FPJ.

Nasayran nga  ni-click usab ang serye ni Coco sa ABS-CBN nga  Ang Probinsyano nga gibidahan gihapon kaniadto ni FPJ. (BANAT NEWS)