Nauyonan sa inahan

CEBU, Philippines - Hangtod karon nagdumili gihapon pagtubag si Inah de Belen mahitungod sa tsika nga aduna silay relasyon ni  Jake Vargas. Nitsika hinuon ang aktres nga malipayon siya kay nauyonan ra pud sa  iyahang inahan nga si Janice de Belen ang iyang  rumored boyfriend.

Wala pa’y klaro

Wala gihapo’y  final nga pangalan ang gipagawas sa Star Cinema sa aktres nga maoy modala isip Valentina sa pelikulang Darna.  Usa si Sarah Lahbati sa gidungog nga maoy modala niini apan giklaro sa aktres nga wala pa siya kadawat og offer. Andam siya modawat niini kon  tanyagan siya  sa Star Cinema.

Katin-awan

Giklaro sa program manager sa I Heart Davao nga si Patty Gutierrez nga wala nila gihimo ang nahisgutang show aron lang magpahumot ngadto kang President Rodrigo Duterte. Niya pa, buot nila nga maduol  ang ilang kasing-kasing sa  Mindanao ug Visayas viewers. Ang maong serye gibidahan nila ni  Carla Abellana, Tom Rodriguez, ug Benjamin Alves nga magsugod karong Lunes, hulip sa Meant To Be nga nitapos kagahapon.

Nagpakasal na diay

Mapasigarbuhon nga gianunsyo sa aktres nga si Erika Padilla nga gikasal na sila ni Jeffrey Cariaso didto sa San Francisco, California nga  gitambongan sa  ilang mga suod nga higala . Tulo ka tuig sab sila nag-uban isip uyab sa wala pa nagpakasal.

Si Nadine gyud kaha?

Nahuman na ang online voting  sa FHM 100 Sexiest Women 2017 ug daghan na ang excited kung makuha ba gyud ni Nadine Lustre ang maong titulo human nag-una kini sa mga partial result kaniadto.  Gingong ipahibalo sunod semana ang resulta sa FHM 100 Sexiest Women 2017 poll.

Mipakilig sa fans

Gibayaw sa kakilig ang mga fans nila ni  Julia Barretto ug Joshua Garcia human gi-post sa nahiuna ang sweet note niini gikan sa kapares niini. "You sure do know how to make a sick girl's bad day a good one," post pa ni Julia.

Proud Papa

Tumang kalipay ang gibati sa ultimate heartthrob nga si Piolo Pascual sa kalamposan nga nadawat sa iyahang anak nga si Inigo human mahimong number 1 ang kanta niini nga "Dahil Sayo" sa Billboard Philippines Top 20 Charts. "I’m so happy, grabe! This kind of milestone, it’s going to go down the history books of the music industry. And this is Billboard, so I posted about it,”sigon pa sa aktor.

Daghan og nakat-onan

Gibutyag sa singer nga si Yeng Constantino nga daghan kaayo siya og nakat-onan sa panag-uban nila sa Canadian singer nga si Dave Moffatt sa gihimong single ubos sa Star Music. Nidayeg si Yeng sa batasan ni Dave lakip na sa amahan niini nga si David nga daw daghan kaayo siya og nakat-onan sa ilahang panag-istorya.

Goblin look-alike

Nagtrending sa Facebook ang hulagway sa service crew sa usa ka fast food company gumikan kay ka look-alike man kini sa Korean superstar nga si Gong Yoo kinsa bida sa hit Korean drama series nga Goblin ug blockbuster film Train to Busan. Sa pagka karon, ang maong post sa usa ka netizen kay niabot na og 38,000 ka likes ug 24,000 ka shares sa Facebook.

Goodbye Alwina

Hingpit na nga nanamilit ang karakter ni Heart Evangelista isip Alwina sa pantaserye sa GMA-7 nga Mulawin vs Ravena. Nagpaabot ang aktres sa iyang dakong pasalamat ngadto sa GMA network sa pagsalig nga gihatag ngadto kaniya. Daghan usab sa mga fans ang nasagmuyo sa pagkamatay sa nahisgutang karakter. (BANAT NEWS)