MayWard sa La Luna Sangre
CEBU, Philippines - Nagmaya ang mga MayWard fans sa dihang gianunsyu sa Kathniel nga molugwa sa labing una nga higayon sa usa ka serye silang Maymay Entrata ug Edward Barber (MayWard )ug malakip kini La Luna Sangre. Gawas sa maong pantaserye, nagsugod na sab sila og shooting sa ilang upcoming movie nga Loving In Tandem kauban silang Kisses Delavin ug Marco Gallo.
Hugyaw nga regalo
Gihimugso kagahapon sa asawa ni Joross Gamboa nga si Katz ang ikaduhang anak nila nga ginganlan og John Kody. Gipahibalo usab sa aktor nga nanganak ang iyang asawa pinaagi sa Cesarian. Giisip kini sa aktor nga usa ka father's day gift nga iyang nadawat.
Chainsmokers mobalik sa nasud
Mopahigayon og ikatulong concert dinhi sa nasud ang EDM duo nga The Chainsmokers karong Setyembre 13 sa Mall of Asia Arena. Molingaw silang DJ duo Alex Pall ug Andrew Taggart sa ilang Pinoy fans pinaagi sa concert nga nag-ulohan og Memories Do Not Open .
Haom sa personalidad
Gipakita sa Kapuso aktres nga si Heart Evangelista ang interior designs ug ang mga furniture sa iyahang bag-o nga mansion. Tataw kaayo nga napakita gyud ang stylish personality sa maong aktres.
Sa una pa unta ipagawas
Gibutyag sa aktres nga si Kathryn Bernardo nga dugay na kaayo giplano ang bag-ong primetime fantasy nga La Luna Sangre ug gani ipagawas na unta kini sa dili pa ang Pangako Sa 'Yo. Nagsugod ang maong pantaserye sa ABS-CBN kagabii diin kauban sa aktres ang ka- loveteam niini nga si Daniel Padilla ug ang mga dagkong ngalan sa showbiz sama nilang Angel Locsin, John Lloyd Cruz ug ang bag-ong Kapamilya nga si Richard Gutierrez.
Pasok sa serye ni Marian
Gibutyag ni Jerald Napoles lakip siya sa mga molugwa sa seryeng The Good Teacher sa GMA-7 nga pagabidahan ni Marian Rivera. Ilado ang maong Kapuso star isip theater actor diin nagsugod siya niadtong tuig 2011.
Father's day greetings
Nag post og Father's Day greetings sa iyahang Instagram account ang Queen of All Media nga si Kris Aquino ug gipahinungod kini sa amahan sa iyang duha ka mga anak nga silang James Yap ug Phillip Salvador. “[T]o Phillip & James, from Josh & Bimb- Happy Father's Day. God bless you always, ”tipik sa post sa aktres.
Andam mag-sexy costume
Andam mosul-ob si Liza Soberano bisan unsa nga klase nga Darna costume nga ipagamit ngadto kaniya ug dili siya mobalibad bisan pa man nga two piece ang ipasul-ob ngadto kaniya. Hangyo lang niya nga sultian siya daan aron dili siya makuratan.
Mitubag sa bashers
Gitubag sa Kapamilya actress nga si Nadine Lustre ang tanang bashers nga naghatag og malisya sa hulagway sa iyang boyfriend nga si James Reid nga nag-hug sa iyang bestfriend. "Im sorry, but SERIOUSLY. WTF are you all going on about? Talking shxt about my best friend?"paghot pa sa aktres.
Andam mahimong ninang
Gibutyag sa Impostora star nga si Kris Bernal nga andam siya mahimong ninang sa anak nilang Aljur Abrenica ug Kylie Padilla. Sigon pa niya, naghuwat gani siya nga hagdon siya nga mokogus sa anak niini kay matod pa hilig gyud siya og mga bata .
Ganahan magminaldita
Malingaw ang Kapuso actress nga si Vanessa Del Moral nga modala og kontrabida role kumpara sa bida. Human sa malampuson nga pagdala niya sa papel isip Gurna sa Encantadia, modala na sab og laing kontrabida role ang Kapuso actress alang sa bag-ong afternoon teleserye nga Impostora. (BANAT NEWS)
- Latest