BANATANAY: Dako’g ulo si Ryza?

Sanden: Hi mga Kabanatanay, maayong adlaw'ng Martes kaninyong tanan. Dili pa lang dugay, nipirma na gyud og kontrata si Ryza Cenon sa Viva Entertainment human sa taod-taod niya nga pag-istar sa GMA Artist Center. Hinuon nipadayag siya nga magpabilin gihapon siya sa Kapuso Network. Pero sa akong tan-aw, dako gyud og posibilidad nga molugwa ra gihapon na si Ryza sa ABS-CBN puhon, ilabi na kun makakita og maayong opurtunidad ang Viva alang kang Ryza sa ABS-CBN.

Yuri: Hello mga Kabanatanay! Naloka ko sa report nga nipirma na sa Viva si Ryza. Kinsa siya? Kon dili sa Ika 6 na- Utos “wail” siya, meaning wala na ilhi iyang beauty. As an actress tungod sa iyang role sa maong teleserye bisag maayo iyang pagdala sa role dili ni basehan nga she's a good actress. Na high -blood ko og pinakalit mga beshie Jaypee ug Sanden.  Intawon day Ryza pagbaton pud og kaikog, o basin mobalhin gyud siya kay nidako naman ang ulo.

Jaypee: Olah mga kabanatay,happiest day! Kumustamos mga Kapamilya, Kapuso ug Kapatid.  Sa nag- trending nga showbiz chika karon, panghinaut ra nako nga dungan sa labing bag- ong kalambuan karon sa career ni Ryza, mas mosamot pa unta ang paglambo  sa iyang karera kay nakamatikod baya gyud ta nga taphaw ra kaayo siya karon. Kumbaga dili siya ingun ana ka patuk sa masa. But let us all admit it, lahi gyud modala ang Viva diba? So mao nalang ning atong angayang atangan.

Sanden: Hi Tita Yurs, ug hampaslupa nga Jaypee, mao nay ginaingon nga ganahan pa siya mo-explore og maayo. Siyempre nabantayan tingali sa Viva nga duna gyuy dakong potensyal si Ryza, puwes abtikay dayon ang show. Ikaw sad Jaypee, ayaw pag-ingon og taphaw si Ryza  kay lami baya ang iyang performance sa Ika-6 Na Utos.

Jaypee: Lami ang iyang performance pero hello! Pila na baya siya  ka tuig sa showbiz,  nikisaw ba ang pangalan niya sa publiko? Diba wala? Hoy Sanden, akong pasabot kay  taphaw sa laing termino.  Mao nang panghinaut nato nga mahatagan siya og laing break ubos sa Viva. But take note, dako sab og posibilidad nga molayat siya sa ABS kay VIVA is into ABS baya.  Hello Beshie Beshie Yuri!

Yuri: Hala nakabantay ko nimo beshie Jaypee murag loyal kaayo ka sa Viva.  Are you sure si Viva is the answer of her career niya? Bisag asa siya moadto kon chaka iyang pagtrabaho kay chaka gyud, pero maayo man karon iyang career, nganong mobalhin man gyud. Maayo naman ang pagpadagan sa iyang mother network sa  iyang career.  Feeling nako ,imbes naa kay next project day Ryza, it will be your last teleserye, ang Ika-6 Na Utos.  Hala balhin bisa’g asa, bantay bitaw ha??? Wala’y balikay! Omg, from Starstruck hopeful to Georgia unya balhin dayon??? Kabaga'g face!

Sanden:  Agoy, away na yan, shode bugno Tita Yurs ug Jaypee, ato na lang gyud  huwaton ang resulta ana. Seguro Jaypee, karon lang gyud naglawig si Ryza, iyaha gyud ron nga panahon, kever kon dugay siya nabatyagan sa katawhan, taas bitaw siya og pasensya. Ang importante nga nisaka ang iyang pupolaridad.

Jaypee: Na strong lage ka beshie Yuri? Ayaw ana, dili baya ka gwapa!. Ahw, let's just give Ryza a chance, kong iyang pagbuot nga mobalhin siya og laing management, then it's her right. After all, dili sab tingali na lalim niya, daghan sab siyag gi consider intawon ana uy. Basta nipagawas na man siya og press statement nga magpabilin siyang Kapuso. Ato na lang nang atangan kay kon mobalhin siya sukwahi sa iyang gipabuhagay, aw anha na ta makaingun sa atong self as a person in the solar system nga BAKAKON SIYA!.

Yuri: Mao ra gyud ni akong masulti ngadto kang Ryza: good luck!  Gatan-aw ko sa Ika -6 Na Utos permi, mas maglagot ko’g samot ni Georgia.  Unya karma na dayon kay naay new character nga musulod sa maong serye, si Angelika dela Cruz. Unsay pasabot niini? Pahuway sa day Ryza, merisi nimo!  Ayaw mo kaguol mga Kabanatanay kay sundan nako ang career ni Ryza, prove us wrong nga okey imong pagbalhin!

Alang sa inyong mga komento, ipadala lang kana sa 09192422676, ug imantala ang inyong mensahe sa “Akong Banat”  sa Kalandrakas section sa umaabot nga mga adlaw. (BANAT NEWS)