P7 million opening day

Nihipos matud pa og P7 million opening day gross ang pelikula nila ni Gerald Anderson ug Arci Munoz  nga “Can We Still Be Friends?” nga ubos sa Star Cinema.

5M followers

Niabot na og 5 million ang followers ni Vice Ganda sa Instagram kagahapon, hinungdan nagpasalamat siya og maayo sa iyang fans.

Sex symbol

Okay ra matud pa kang Gil Cuerva kon isipon siya nga sex symbol sa mga tawo human siya nagpakita sa iyang fit nga lawas sa teleserye nila ni Jennylyn Mercado nga “My Love From The Star” sa GMA7.

Nalipay kaayo

Naglisud pagtuo si Richard Gutierrez nga nakatungtong na gyud siya sa ASAP stage duha ka semana na ang nakalabay aron hingpit siya nga i-welcome isip bag-ong Kapamilya ug pag-promote usab sa La Luna Sangre. Suma pa ni Richard nalipay kaayo siya sa pagtagad nga gibubo sa ABS-CBN ngadto niya.

Nindot og rating

Gikan sa orihinal nga plano nga six weeks lang unta nga airing, mudagan na og six months sa telebisyon ang serye nga ‘Meant To Be” sa GMA7, gumikan kay maayo ang rating niini.