Encantadia ang tan-awon

Gisungog sa komedyanteng si Vice Ganda ang co-host niini sa It’s Showtime! nga si Anne Curtis human nabatyagan sa komedyante nga limitado kaayo ang nahibaw-an sa aktres kabahin sa mga  serye sa ABS- sa dihang nag-interview kini sa usa ka contestant sa Tawag ng Tanghalan Kids. Sigon pa ni Vice nga motan-aw pud unta usahay og Kapamilya shows ang aktres ug dili  lang kay ang Encantadia ang tan-awon.  Makita ang Encantadia  sa GMA-7

Christian Bautista makigminyo ni Kat Ramnan

Mipakugang sa publiko ang singer nga si Christian Bautista human gianunsyo niya nga buot na siya makigminyo sa non-showbiz girlfriend niini nga si Kat Ramnan. Nailhan ang singer nga tihik kaayo mohatag og komento kabahin sa iyahang love life.

Lahi ra!

Gikatahong wala’y director ug script ang adventure-reality show sa TV5 nga Lakbai diin si Baste Duterte ang host. Giiingong aduna lang sila’y outline sa dagan sa ilahang adventure sa lugar nga ilahang bisitahon.“Yung ginagawa namin, nagko-communicate talaga kami para malaman namin ano yung sakto para sa amin as talents, at sa production.”sigon pa niini.

Mopahuway sa TNT

Temporaryo unang mopahuway isip hurado sa Tawag ng Tanghalan Kids sa It’s Showtime ang singer nga si Nyoy Volante gumikan sa pagkadalhon niya nga crossdresser/drag queen role sa usa ka Broadway hit nga Kinky Boots nga ipasundayag  karong Hunyo 30. Giangkon usab sa singer nga dili kini ang unang higayon nga modala siya og babaye nga role.

Todo support sa GF

Dako og pagtuo ang Kapamilya hunk actor nga si Matteo Guidicelli nga haom gyud sa iyahang girlfriend nga si Sarah Geronimo ang role isip bag-ong Darna sa himoon nga remake niini sa Star Cinema. Apan una nang gilimod sa Popstar Princess ang taho nga siya ang modala sa maong inilog nga role.

Jessy nagpahumot kang Angel?

Gibutyag sa aktres nga si Jessy Mendiola nga deserving malakip sa FHM's Hall of Fame ang aktres nga si Angel Locsin. Si Jessy maoy uyab karon ni Luis Manzano nga kanhi usab uyab ni Angel.  Nag-una sa listahan sa FHM 100 Sexiest In The World 2017 ang actress nga si Nadine Lustre, Angel Locsin, ug Rhian Ramos base sa partial ug unofficial tally nga gipagawas sa FHM Philippines pinaagi sa ilahang Facebook account. Laing nalakip sa top 10 mao silang Jennylyn Mercado, Marian Rivera, Anne Curtis, Angelica Panganiban, Toni Gonzaga, Bea Alonzo ug Arci Muñoz.

Nagkuwang

Andam makigpares og bag-ong leading man ang Kapuso actress nga si Jennylyn Mercado kay matod pa kuwang kaayo ang GMA7 og mga leading men mao nga maayo gyud nga mangita ang management og fresh faces. "Kulang ang GMA-7 ng leading men, kaya it's a good choice na maghanap ng bago talaga,"tsika pa sa aktres.

Na-pressure

Miangkon ang batan-ong aktor nga si Jairus Aquino nga na-pressure kaayo siya nga makatrabaho ang beteranong aktor nga si Christopher de Leon alang  sa pelikulang The Possible Dream ubos sa direksyon ni Joven Tan. Matod pa sa aktor nga grabe iyang pagpangandam sa iyang role aron  dili siya mauwawan  sa iyang mga kauban sa set.

Na- starstruck kang Kathryn

Nag-post sa iyang Instagram ang Pinoy Big Brother Lucky Season 7 housemate nga si Kisses Delavin sa iyahang kalipay sa paghimamat nila sa aktres nga si Kathryn Bernardo. “Look who I bumped into after rehearsals! The #BoxOffice Queen... @bernardokath!!!” she wrote with the hashtags “#Starstruck” and “#shedoesnthavekahit1pimple” post pa niini.

Hilig og batan-on

Gipasabot sa beteranong direktor nga si Maryo J. delos Reyes nganong sige gihapon siya og pangita og bag-ong nawong sa showbiz. Sigon pa niya, kung mag-discover ka og bag-ong mga artist, mura ra usab ka og nagtanom alang  sa industriya. Dugang pa niya nga matiguwang gyud ang mga artista maong kinahanglan gyud ka mangita og mga batan-on aron mopuli sa mga edaran na.