Let’s Love Our Body

Yes, tambok ko. Dako ko’g tiyan. Luod ko tan-awon. Mabdos ko.  Unsa pa gyud? Hahaha! Kahibawo nako’s mga himantayon diha nga feeling perfect, nagwasngi-wasngi na ang dila ug nagbudlot na nang mga simod diha’g sige’g panaway niining maong hulagway. And mao nang mga kumentoha mismo maoy rason nganong dugay kaayo nako ni gipagawas nga hulagway.

This was taken at Jelly's Haven Resort in Santa Fe, Bantayan Island two weeks ago by our abtik nga writer Preciosa Bacalso. Dugay kaayo mi nahuman ini kay ako gyud siyang giingnan nga kinahanglan nindoton niya’g angle nga dili kaayo maklaro ang nagbusdik nakong tiyan. Usa ka semana na kapin sukad gipadala ni Preciosa ang tanang hulagway nga kuha didto sa isla. Ug bisa’g kapila nako balik-balikon og tan-aw, kasagaran gyud sa mga pictures nako klaro gyud kaayo akong tiyan. Bisa’g giunsa pa nako’g hiyak, wala gyud mada. Maong wala nako gi-upload sa facebook kay sure daghan na sab kaayong bullies.

But Thursday night, samtang padulong nako mag-jog, I realized nga dili angayan nakong ikauwaw kining maong hulagway. Kay ngano man diay og dako ko og tiyan? Ngano man diay kun tambok ko? Dili mani forever. My body, like my life, is a work in progress. So nganong dili man nako kini hangupon? Ako ra man sab maoy mabasul ini kay nagpabaya man ko. Daghan man kaayo ko’g excuses nga busy ko, mao ni, mao na, hinungdan nga wala gyud ko nag-gym ug nag-diet sulod sa tulo ka tuig. Sige’g kaon, wala'y exercise, ug kun nag-exercise man gani, dili diniyos ug gana-gana lang.

Yup, akong sala. Akong dakong sala. Pero masayop man gyud ta. Normal ra na. Ang abnormal mao nga paundayonan nimo imong sayup ug wala kay buhaton aron pagkorihe niini. So now, I’m confronting the truth. From 60 kilos three years ago, niburot gyud ko to 74 kilos.  Another truth is, I never felt good with my heavy weight, dili tungod kay daghan kaayo sige’g bugal-bugal but because sa nilabay duha ka annual medical exam namo sa company giingnan gyud ko nga overweight ko. Ug kada pa BP nako, borderline gyud ko.

So kining maong column karong Domingoha nagtinguha pagdasig niadtong susama nako og sitwasyon that it's never too late to change, to do something, to correct sa unsa man gani atong gibuhat hinungdan nga niburot ta’g ingon kadak-ag baril. Let's go out there, exercise and take care of our body- not because ang katilingban ganahan kaayo og hot and sexy people with abs and curves, but simply because, it's for our own good. Let’s love our body. Kay kun dili, kita ra gihapon maoy mag-antos. Go go go!