Banat ( Leaderboard Top ), pagematch: 1, sectionmatch: 1

Padayon sa pagdalit og hugyaw nga kanta

CEBU, Philippines - Ang pagpadayon sa  paghatod  og mga hugyaw nga musika ngadto sa publiko maoy  simpleng tubag  sa pipila ka FM stations nga nasulod sa Top 5 sa latest survey sa KBP/ Kantar alang sa first quarter karong tuiga.

Kagahapon, namantala dinhi sa Banat News Hugyaw  ang balita kalabot sa pagka-numero uno sa Brigada News FM  93.1, (26.22%)  apan ang mga nagsunod nga mga istasyon nipasalig nga  dili gyud sila  mohunong sa paghatod og programa nga patok sa masa.

Una nga nilenggua og “congrats”  ang  head sa MOR 97.1 (ikaduhang puwesto, 18.08% ) nga si Jacky G  alang sa  FM station nga nag-una sa survey.

Nasayran nga  kanunay usab nga hugupan ang  nagkadaiyang kalingawan nga gidalit sa publiko sama sa mga disco ug uban pa.

Samtang ang  nakatungtong sa  ikatulong  puwesto mao ang Barangay RT 99.5 (16.87%) ug gisaysay sa  manager niini nga si  AJ Ocampo nga dako gyud ang iyang pasalamat ngadto sa listeners nga sila maoy naghupot sa maong puwesto.

“Masaya kami,  nagpasasalamat kami sa listeners namin , malaking bagay na  yan sa amin,” suma pa ni Ocampo.

Matud pa niya nga usa sa nakapalig-on kanila mao ang hugyaw  nga  mga programa , ug padayon sila nga mopalig-on niini aron mosaka og samot ang ilang rating.

Nagkasaka usab ang popularidad sa gidalit nila nga basketball exhibition game sa nagkadaiyang barangay.

Nahimutang sa ikaupat nga puwesto ang  93.9 I-FM (9.72% ), ug suma pa sa manager niini nga si Raul Credo   nga  nalipay ra sila sa resulta sanglit  layo kaayo sila sa nangaging survey.

“Okay kaayo, kay duna gyu’y positive result ang gibuhat namo nga adjustment kaniadto, padayon mi nga mag-play og nindot nga mga songs 24 hours.   Ang importante nga malingaw ang atong listeners ,” nagkanayon si Credo.

Pipila sa ilang mga disc jockey  ang nihimo og community outreach  aron mosamot sila og kaduol sa publiko.

Samtang “business as usual” ang peg sa manager sa Yes 91.5 (9.1%)  nga si Marlo Baula kinsa nitungtong karon sa ikalimang puwesto.

Hinuon nagmalaumon si Baula nga mosaka pa ang ilang rating ilabi na nga relaunching  ang iyang istasyon nga gitawag na karon og “Yes The Best”  kun diin target niini ang millenials.

Bisan sa init nila nga kompetisyon, tagsa-tagsa nila nga gipatigbabaw ang paghatod og kalingawan ug katagbawan ngadto sa ilang listeners nga giisip nila nga maoy rason sa ilang kalampusan.

Music & Memories sa Terraces

Usa ka libre nga concert  ang mahitabo karong gabii diha sa Ayala Terraces nga panguluhan sa world-class diva Anna Fegi.

Kini mao ang Music & Memories: A concert commemorating the lost lives of Advocates and people who lived with HIV and AIDS.

Makauban ni Anna sa entablado sila si Soul Supreme, KZ Tandingan and advocate/singer, Tony Labrusca, ingon man usab nila ni Jacky Chang, Mike Fegi, JK, Gen Flores, KC Dilao, Rachel Mae Faelnar, Caloy Juapo, ug Jay-R Siaboc.

Libre ang maong concert alang sa tanan, diin aduna usay free and confidential HIV testing nga ipahigayon samtang magpadayon ang concert.

Ang maong concert dalit sa Cebu Plus Association, Inc.

Dugang cast sa Probinsyano

Balik Kapamilya Network sila si John Arcilla ug Sid Lucero isip pipila sa mga bag-ong cast alang sa next chapter sa Coco Martin teleserye, FPJ’s Ang Probinsyano.

Si John katapusang nakita sa GMA7 isip ang kontrabida nga si Hagorn sa pantaseryeng Encantadia nga natapos na kagabii. Samtang katapusang proyekto ni Sid sa GMA7 mao ang Alyas Robinhood ni Dingdong Dantes sa nilabay nga tuig.

Kahinumduman nga kanhi mga Kapamilya sila si John ug Sid. Si John katapusang nakita sa ABS-CBN niadtong 2016 pinaagi sa iyang special participation sa teleserye nila ni Kim Chiu ug Xian Lim nga The Story of Us. Si Sid katapusang nilugwa sa ABS-CBN niadtong 2010 pinaagi sa teleseryeng Alyna ug nibalhin sa GMA7 pagkasunod tuig aron mamahimong leading man ni Marian Rivera alang sa Amaya.

Samtang ang ubang bag-ong cast sa Probinsyano naglangkub nila ni Mitch Valdes, Angel Aquino, Ejay Falcon, Jhong Hilario, Long Mejia, ug Pokwang.

Una na nga gipahibawo nga sa sunod tuig pa matapos ang Probinsyano nga nagsugod niadtong 2015.

Gituohan sab nga lakip sa musulod sa Probinsyano ang mag-amahang Lito ug Mark Lapid.

Gaisano Main, Country Mall, Balamban ug Bogo Back-to-School Sale

Halos wala'y hunong ang pagpanghatag og diskwento ang Gaisano Main, Gaisano Country Mall, Gaisano Balamban ug Gaisano Bogo tungod kay laing hugna na usab nga baratilyo ang ilang gidalit ngadto sa ilang mga suki.  Back-to-School Sale sugod Mayo 15 hangtod na 31 diin may 10% hangtod 50% ang diskwento lakip na sa mga galamiton sa eskwelahan.  Tunga sa bulan gayod ninyong mapahimuslan ang kabarato sa palaliton ug gawas nga makadaginot kamo, may mga pakapin pa gayod nga ipanghatag.

Busa ayaw paglangay, alang sa inyong mga paboritong palaliton ug mga kinahanglanon adto palita sa Gaisano Main, Gaisano Country Mall, Gaisano Balamban ug Gaisano Bogo aron makadaginot kamo! (BANAT NEWS)

  • Follow Us: