Banat ( Leaderboard Top ), pagematch: 1, sectionmatch: 1

Engrande nga birthday ni Maine

CEBU, Philippines - Bisan pa man sa kapuno sa iyang schedule,  gipaneguro  ni Maine Mendoza nga makagahin og oras alang sa iyang supporters.

Niining bag-o lang,  nihimo  ang  fans ni Maine og  surprise party alang sa ilang idolo  didto sa Subic, Zambales.

Pipila sa suod nga mga higala ug pamilya ni Maine ang nitambong sa maong party.

Ang  maong party nag-ulohan og “ Maine @ 22: A Sky Full of Star” , nga gibasehan sa  kanta sa paborito niya nga banda nga Coldplay.

Mapasalamaton si Maine sa  mabungahon niya nga career sulod sa duha ka tuig na niya sa showbiz.

Isip parte sa maong selebrasyon , ang mga sakop sa  Solid Maine United fans club, nidalit og  musical ug  dance numbers alang kang  Maine.

Usa sa mga highlights sa maong kalihukan mao ang   pagpalupad sa sky lanterns sa Subic beachfront.

Suma pa ni  Gwen Gencianos sa Solid Maine United,  nakahunahuna ang iyang  group nga mohimo og  beach party  gumikan kay kahibalo sila  nga ganahan gyud si Maine og dagat ug kinahanglan pud nga ma-relax ang ilang idolo human kini gilat-an og daghang proyekto.

 “Nakita naming na stressed si Maine lately lalo na sa everyday taping niya. So we decided na i-push na talaga,”  matud pa ni Gwen.

Kahinumdoman nga sa miaging tuig, usa ka  Coachella-themed surprise birthday  ang gipahigayon sa fans ni Maine.

 “For that party, her wish na tinupad naman was to receive a lot of birthday cakes, pangarap n’ya yun kahit hindi pa siya artista. The objective why we’re doing this is because, hanggang ngayon, hindi pa rin niya naa-absorb yung lahat sa showbiz. She still can’t believe na she has supporters. So the birthday parties, it’s a once a year activity where we can show how much we love her,” dugang pa niya.

Nigawas ang pagka-emosyonal ni Maine atol  sa iyang pagpasalamat  ngadto sa iyang fans.

Suma pa niya nga  dakong butang ang gidalit sa iyang fans ngadto kaniya busa dili gyud niya kini malimtan. Iyaha usab nga gipahinungod ang  maong kalihukan ngadto sa sakop sa Solid Maine United nga si Raz Alfaro nga nitaliwan niadtong Marso.

“Habang-buhay kong ite-treasure itong binibigay at ginagawa ninyo sa akin kahit wala na kayo isa-isa.“Let’s be real here — tatanda rin tayong lahat. Pwedeng phase lang din ito ng buhay natin. Pero gusto kong malaman n’yo na sobrang thankful ako na napagdaanan ko ito and I got to share this with all of you,” palanog pa ni Maine.

Ang maong surprise beach party maoy  usa sa  daghang  mga  party nga gipasiugdahan  sa nagkadaiyang fans club ni Maine.

Niadtong Marso,   duna’y fans club ni Maine ang ni-organize pud og party alang sa ilang idolo didto sa The Tent in Acacia Estates, Taguig City.

Nagpasalamat ang ginikanan nila ni Maine nga sila si Teodoro ug  Mary Ann Mendoza sa mga tawo nga nihatag og init nga suporta sa ilang anak.

“Salamat sa mga nagbigay ng oras para sa birthday celebration ni Maine. Ang birthday wish ko kay Maine, sana yung health niya, huwag niyang pababayaan, sana maayos lagi ang kanyang kalusugan. At sana, lagi siyang ligtas .At sana, huwag kang makakalimot sa iyong pinagmulan at pinagdaanan. Lagi kang magpapasalamat,” suma pa ni Teodoro.

Samtang sa miaging buwan, lahi na pud nga fans club ni Maine ang ni-organize og birthday party sa ilang idolo ug nagtangag kini sa titulo sa Sparkling 22.

Nakatambong sa maong party ang ka-loveteam ni Maine nga si Alden Richards.

 “Wala naman tayong dapat patunayan sa iba.Kumbaga, nagkita tayo for a reason.On behalf of every one, we love you. Ako, andito lang ako para sa iyo,” matud pa ni Alden.

Tsika pa ni Maine nga  dako kaayo og papel sa iyang career ang iyang supporters.

 “Tama nga talaga yung sinasabi ni Alden na time is the greatest gift you can give to someone. Saka, syempre love. Nakakatuwa isipin na kayong lahat na andito ngayon, talagang naglaan kayo ng oras para ma-celebrate yung birthday ko. Malaking bagay para sa akin yun,” suma pa ni Maine. (BANAT NEWS)

  • Follow Us: