Diaz paboritong PSA Athlete of the Year

Muling magsasama ang mga top achievers ng 2016 sa center stage sa pagpaparangal sa kanila ng Philippine Sportswriters Association (PSA) sa Awards Night na inihahandog ng MILO at San Miguel sa Pebrero 13 sa LE PAVILION sa Pasay City.

Nangunguna para sa PSA Athlete of the Year si Hidilyn Diaz, tinapos ang 20-year medal drought ng bansa sa Olympics matapos kunin ang silver medal sa weightlifting ng Rio De Janeiro Games, sa formal affair na inihahandog din ng CIGNAL/Hyper TV.

Sina pro boxers Nonito Donaire Jr., at Donnie ‘Ahas’ Nietes kasama si golfer Miguel Tabuena ang naunang hinirang na PSA Athlete of the Year na ibi-nibigay ng pinakamatandang media organization sa bansa na binubuo ng mga editors at sportswriters mula sa print at online portals, noong nakaraang taon.

Inimbitahan si President Rodrigo Duterte para maging guest speaker ng awards night.

Ibibigay din ang President’s Award, Lifetime Achievement honor, Executive of the Year, National Sports Association of the Year, Mr. Basketball, Mr. Golf, Mr. Football at Ms. Volleyball sa nasabing two-hour program na itinataguyod din ng Smart, Foton, Mighty Sports, Philippine Basketball Association, ACCEL, Gold Toe, SM Prime Holdings Inc., Globalport, Rain or Shine, ICTSI at MVPSF.

Ang mga atletang nakakuha ng Olympic berths sa pamamagitan ng paglahok sa qualifying tournaments ay pararangalan din katulad nina  tracksters Eric Cray, Marestella Torres at Mary Joy Tabal, weightlifter Nestor Colonia, Ian Lariba, boxers Roger Ladon at Charly Suarez, taekwondo jin Kirstie Alora at golfer Miguel Tabuena.

Kikilalanin din ng PSA ang mga major awardees sa iba’t ibang sports at ang mga personalities at entities sa annual rite na suportado ng Philippine Sports Commission, Philippine Chari-ty Sweepstakes Office at Federal Land.

Igagawad naman ang Tony Siddayao Awards at ang Milo Male and Female Junior Athletes of the Year sa mga batang atleta kasama ang posthumous awards sa mga namayapang kasamahan sa local sportswriting community.