Accel-PBA Press Corps Player of the Week
MANILA, Philippines - Kung hindi niya naipa-kita ang kanyang potensyal sa Globalport bilang rookie noong 2015 ay unti-unti nang nagagawa ito ni Roi Sumang sa Blackwater.
Sa 103-100 paglusot ng Elite laban sa Alaska Aces noong Linggo ay tumapos si Sumang na may 19 points kung saan ang 17 dito ay kanyang iniskor sa second half.
Ang pang-limang panalo ng Blackwater sa siyam na laro ang nagpalakas ng kanilang pag-asa para sa isang tiket sa eight-team quarterfinal round ng 2017 PBA Philippine Cup.
Hinugot ang 26-anyos na playmaker bilang 27th overall ng Batang Pier noong 2015 at napanood lamang sa 27 laro sa maliit na playing time na 8.4 minutes per game.
Sa kanyang paggiya sa Blackwater sa panalo sa Alaska ay hinirang si Sumang bilang Accel-PBA Press Corps Player of the Week at tinalo sina Philip Paniamogan, June Mar Fajardo, Terrence Romeo, Joe Devance, Allen Maliksi at center Ian Sangalang at Calvin Abueva. (RC)
- Latest