Dili kasaligan si designer

BisChika nga Domingo mga KaBisChika!!! Una sa tanan, kumusta ang inyong shopping galore para sa umaabot nga Pasko? Ako kay maghinay-hinay na og tago. Hahhahaha! Joke lang! Karun pa lang mga KaBisChika kun naa kay gamay nga sobra sa imong mga gipangbayran matag buwan pwede naka maka hinay-hinay og pamalit og regalo sa imong mga kinugos kay naa’y daghang sale sa mga malls karun, pero usahay ang problema kay ang pag-budget nimo. Pero sa dili paka ma stress, usa ka Kapuso Mall Show ang among gipahigayon niaging semana sa duha ka malls dire sa Sugbo nga gilangkuban sa casts sa “ Meant to Be “ nga magsugod na karung January 9, 2007. Nibisita silang Jak Roberto, Addy Raj, Ivan Dorschner ug ang Kapuso Princess nga si Barbie Forteza. O di ba dili lang usa o duha ang iyang leading men kung dili upat gyud kay naa pa si Ken Chan ini?. Ang inyong Yur’s truly kay didto nanukad sa Gaisano Capital South ug sama sa naandan sa mga Kapuso mall shows sa dili pa mulugwa ang mga Kapuso stars mag- uwan usa og mga papremyo ug mga kalingawan ang among hatod sa mga Kapusong Cebuano. Nagpasalamat usab ang Kapuso Network sa dakong suporta nga gihatag sa mga Cebuanos. Pag abot sa mga Kapuso stars tagsa tagsa na kining nihalad og kanta with matching sayaw pa. Didto ko naukay kay sa performance ni Jak Roberto pagkuha niya og usa ka babaye sa audience kay iya kining gikantahan, mura’g wala nakapugong sa iyang gibati ang girl kay ni kiss og pinakalit sa lips ni Jak Roberto. Ang ending si Jak na-shock on stage pero padayon lang gihapon kini hangtud nahuman ang iyang kanta. Nisunod si Addy Raj nga nikanta og Mr. Suave with matching props ug sa dihang gihubo na ang jacket mura’g mahugno ang mall sa mga singgit. Pagkahuman kay si Ivan Dorchner nga heavy ka fresh na man lang gyud, ug ang labing uwahi kay si Barbie nga dalaga na gyud. Gihuman ang Kapuso Mall Show sa pagkanta sa ilang theme song sa program ug nagpa photo op sa audience. Mao nga very happy ang mga Kapusong Cebuano nga niuli sa ilang tagsa tagsa ka mga panimalay.

Pero sa laing bahin, naukay ko sa giBisChika sa usa ka KSI ( Kinsa Siya Insider ) sa usa ka local designer. Ang BisChika mao kini :adunay costumer nga niduol sa local designer kay magpatahi og costume para sa umaabot niya nga event. Siyempre nisalig ang costumer kay grabe baya kaayo maka post sa ilang FB ang designer nga mao kini ang iyang mga mugna. Ang gi-promise sa local designer kay tahian siya og bag-ong costume maong nangayo og downpayment ang local designer sa costumer. Nihatag pud ang costumer kay nisalig siya sa maong designer. Unsa man pagkahitaboa nga hapit na ang ilang event wala na man kini nag-follow up sa iyaha ug nagsige na siya og pangutana kung asa na ang iyang gipatahi. In short mura’g nahanaw na. Mao ang gibuhat sa maong customer kay giadto niya sa balay ang designer ug ang ending kay… walay bag-ong costume ug nanguha na lang siya og costume nga available atong pag-adto niya sa balay sa designer. Kinsa kining local designer? Usa kini sa akong na trabaho sa una nga walay klaro. Sa katong event namo ang singers nga iyang gikuha sa  event hangtud karun wala pa niya nabayri. Noh? Baga siya’g lips. Hahahahaha! Unsaon mana ang maayo siya mo-design og mga costumes pero ang attitude pagka chaka na. Mao nga dili ko mahibulong kun duna koy mabasahan sa FB ug mga reklamo kabahin niya kay mao gyud na ang iyang mugna. Ako na lang hunahunaon nga basin dunay mga rason siya ngano pero kun unsa pa man gani dapat unta mo paysong ( bayad ) siya!!!!