Campus spotlight; Her best try ever

Fast facts

Name: Yricka Mongcopa

Nickname: Ayeh

Age: 18

Birthdate: November 23, 1997

Course and School: 2nd year BSEd English student  sa Cebu Normal University

(Medillen Campus)

Vital Statistics: 31-24-32

Weight: 46 kgs

Height: 5’3

Nationality: Filipino

Favorite Beauty Queen: Pia Wurtzbach

Favorite Artist: Maroon 5

Favorite colors: Black, White, Gray and Maroon

Motto: “An individual who wants to be remembered through helping others”

Title/Achievements: Miss CNU 2016,

Miss Camotes 2015

Paghatag og atensyon sa kabataan ang usa sa  gihimug-atan nga adbokasiya sa 18- anyos nga dalaga nga si Yricka Mongcopa gumikan kay hugot ang iyang pagtuo nga ang kabataan mao ang magsilbi nga  instrumento aron maugmad ang  atong nasud.

Matud pa niya nga kitang mga tawo magsugod gyud ngadto sa labing ubos nga estado sa kinabuhi ug modepende na kini sa pamaagi sa paningkamot kun unsaon pagpalambo ang kaugalingon aron makahatag og kapuslanan dinhi sa kalibutan.

Usa si Yricka sa mga indibidwal nga dagko og mga pangandoy sa kinabuhi. Naa na gyud sa iyang pangandoy kaniadto nga makasul-ob og korona ug mamahimong usa ka beauty queen.

Gibutyag niya nga kining tanan nga nakab-ot niya, nagsugod sa dihang misuway siya og apil og pageant sa ilang lungsod didto sa Medellin hangtod nagpadayon na kini gumikan kay malingaw gyud siya sa pagsalmot og ingon niini.

Kaniadto, mahimuot siya matag lantaw niya sa iyang mga litrato nga nagsul-ob siya og heels sa iyang apohan aron magpaso-paso sa iyang sala.

Apan sa paglabay sa panahon, maguol siya kun ang gitas-on sa babaye ang hisgutan.

Malubong gihapon siya bisan pa man og magsul-ob na siya og 7-inches nga sandals.

Depensa pa niya nga ang gitas-on sa babaye dili sukdanan aron mawad-an og pagsalig sa kaugalingon nga mosalmot og mga indigay sama sa beauty pageant gumikan kay ang kadaugan sa usa ka rayna mobase kun giunsa kini pagdala sa kaugalingon atubangan sa mga tawo.

Dugang pa niya magsilbi nga hagit alang kaniya ang iyang mga giatubang nga problema ilabi na sa mga tawo nga wala’y salig sa iyang mga talento. Gani, ang pagpahiyom ang iyang bugtong depensa ug ang paghunahuna og mga maayong butang ang iyang buot nga hunahunaon aron magpursigi ug magpabiling magpakabuhi dinhi sa kalibutan.

BNH: Kanus-a ka nagsugod og apil og mga indigay?

YRICKA: Ang tanan nagsugod lang gyud sa “TRY”. April 2015, kami sa akong mga friends nakakita sa Facebook page sa Medellin nga naa diay screening para sa Miss Medellin. Ni-smile ra ko pagbasa nako sa post unya sa akong hunahuna nakaingon ko “What’s wrong kaya og mu-try ko no?” pero naka-realize ko nga wala jud koy confidence.

Pag-ugma ana, ako gisultian ako mga amiga nga moapil ko pero in a sarcastic way. Gipugos nako nila kay basin angayan ko. Sakita sa “basin” uy pero mao jud na siya.  Unya pag -April 26, 2015 ang coronation night. Kulba kaayo tu uy ,  3rd placer ko ato, not bad for a first timer.

BNH: Para nimo, unsa ang qualities sa usa ka beauty queen?

YRICKA: She should be optimistic, resilient, confident, determined, persevered, compassionate and flexible. But, anyone can be a beauty queen man in their own ways.

BNH: Unsa ang di nimo malimtan nga experience sa pag-apil og pageants?

YRICKA: Pag-apil nako og balik sa Miss CNU. Nagduha-duha ko og apil og balik kay pag -una  nako og apil, wala ko mataypan. Wala ko magdahom nga makadaog ko ato. That was the best TRY ever!

BNH: Nakasuway na ba ka nga napandol on stage?

YRICKA: Oo oy! I’ve tried! I pushed myself to wear a 9-inched heel and sadly, napandol gyud  ko. But I got the award for that portion baya maybe because I stood up again and posed fiercely and walked thoroughly. Maybe the judges were amazed! Hahaha

BNH: Babag ba ang magpuyo nga layo sa siyudad nga adunay daghang oportunidad nga makaapil ka og pageants?

YRICKA: Oo. Ganahan ko mobalhin sa CNU main campus kay daghan og opportunities para nako. Usahay naay mga manager nga mo-message nako nga naa daw event inig-kagabii pero sayangan ko kay Iayo kaayo ko sa siyudad. Mobiyahe pa ko’g tulo ka oras.

BNH: Unsay mga benepisyo ang imong nadawat sa imong pag-apil og pageants sa imong kinabuhi?

YRICKA: Sa tinuod no, sa 5,000php, 200 ra ako pangayuon ni mama para pang load. Nakatabang siya sa akong pamilya in terms of financial gyud nga aspect. Bisan ginagmay usahay, makatabang gyud siya.

BNH: Kung matagaan ka og higayon, unsa ang mga pageants nga gusto nimo nga apilan puhon?

YRICKA: Ganahan jud ko muapil og national pageants pero akong height di jud madala. Usahay muhigda ko sa  akong higdaanan unya moduko na lang ko. Makahilak na lang pud ko kay basin di jud ni para akoa tungod sa akong height. Hopeful gihapon ko.

BNH: Unsa ang imong mahatag na advice sa mga dalaga nga ganahan pud moapil og pageants?

YRICKA: Go ahead! There’s no harm in trying. Ako man gani oh!  Enjoy your teenage years kay inig dagko nato,dili  nani mabalik. Try it out, basin ma enjoy ka og entering in the field of pageantry.

BNH: Unsa ang dili nimo makalimtan nga punto sa imong kinabuhi?

YRICKA: Being crowned as Miss CNU 2016. I was so flattered seeing my parents happy and their eyes went teary when I was called as the winner.

BNH: Unsa ang imong mensahe nga gusto nimong ipaabot ngadto sa mga kabataan?

YRICKA: Enjoy your existence! You are awesome and gorgeous! Flaunt yourself everywhere because the world is our stage. Be yourself and never let others reflect yourself. Smile and be a God-fearing individual! (BANAT NEWS)