Mga rayna nibisita sa Oslob

CEBU, Philippines - Atol sa  pagsaulog sa ika-onse nga anibersaryo sa Blue Water Resorts sa Sumilon Island, Oslob Cebu sa  miaging adlaw , nibisita ang mga rayna sa  Miss Earth Philippines nga sila si Loren Mar Artajos (Miss Earth Ph 2016),  Shannon Rebecca Bridgman (Miss Earth PH Fire 2016) ug Melanie Mader (Miss Earth Eco-Tourism 2016).

Gibisita nila ang giprotektahan nga natural site  sa maong  dapit kung diin nahimutang ang mga butanding.

Matud pa ni Loren nga usa kini sa dili niya makalimtan nga panghitabo sa iyang torno isip Miss Earth.

“It’s first-hand experience na  malapitan ang isang dambuhalang sea creature and baby pa pala sila. Ano pa kaya yung full grown whale sharks na?,” saysay pa niya ngadto sa push.com.ph.

Gipasigarbo usab ni Melanie  ang iyang kasinatian ngadto sa iyang mga higala nga langyaw  aron madani sa pagbisita sa Oslob puhon.

“I don’t regret it. It’s one of the greatest experience I’ve done so far, and not all countries have whale sharks and it’s our chance to tell everybody to visit and enjoy the experience here in Oslob’, suma pa ni Melanie. (BANAT NEWS)