Gipasigarbo ni Julia

CEBU, Philippines - Ganahan  si Julia Montes  nga makatrabaho niya og balik si  Coco Martin gumikan kay komportable siya niini. Taod-taod na nga gidungog nga duna’y relasyon ang duha. Gipasigarbo usab niya ang performance  ni Coco sa  pelikulang  The Super Parental Guardians nga puwertong kusuga karon sa takilya .

Gipistahan ang trailer

Nagmaya  og maayo ang bida sa  Die Beautiful nga si Paolo Ballesteros  gumikan kay nakaabot og  kapin sa one million views  ang latest  trailer sa maong pelikula nga nahimong tipik karong tuiga sa  Metro Manila Film Festival (MMFF) 2016.

Fan ni Zanjoe

Gibutyag ni Bela Padilla nga dakong garbo alang kaniya nga makauban si Zanjoe Marudo sa usa ka proyekto gumikan kay fan siya niini. Matud pa sa aktres nga gitan-aw niya ang mga nangagi nga serye ni Zanjoe. Nasayran nga magpares sila si Bela ug Zanjoe sa seryeng My Dear Heart sa ABS-CBN.

Concert ni Christian gihangop

Wala gihapon mahupas ang popularidad ni Christian Bautista didto sa Indonesia.  Nasayran nga gihangop pag-ayo ang iyang  concert sa maong nasud sa miaging gabii.

Tak-om si Eugene

Naglihay si Eugene Dominggo kalabot sa isyu sa  Metro Manila Film Festival  kung diin  nasulod kasagaran ang   indie films kumpara sa mainstream .Si Eugene maoy bida sa Septic Tank nga nasulod sa maong film festival.

FB Live ni Kris nagmalampuson

Nagpasalamat si Kris Aquino sa tanang viewers sa iyang Facebook Love kung diin gikahinabi niya si  Maine Mendoza.  Kapin sa 500,00 ang viewers sa  maong online video.

Nakadaog sa Mexico

Ang pelikula nga Ignacio de Loyola maoy nakalangkat sa  Audience Choice Award sa bag-ohay lang nga  Festival Internacional de Cine con Valores didto sa Mexico. Mga  Pinoy kasagaran ang nalakip sa maong pelikula nga gipangulohan sa lead actor nga si Andreas Munoz . Naghisgot kini  sa kinahuhi sa founder sa Society of Jesu nga si  St. Ignatius of Loyola.

Prenup sa London

Sa London gipahigayon ang prenup shoot  nila ni Valerie Bangs Garcia ug  Lloydi Birchmore . Kaslon ang duha sunod sa buwan  didto sa Boracay.

Kisses nakadawat na

Gibutyag ni kanhi “Pinoy Big Brother” teen housemate  nga si Kisses Delavin nga nahupas na ang iyang feelings ngadto kang Marco Gall.  Matud pa niya nga nadawat na niya ang kamatuoran nga dili sila angayan sa  usa’g-usa.

Karel mitubag sa netizens

Gitubag ni Karel Marquez ang  mga pagsaway nga iyang nadawat gikan  sa pipila ka netizens  human siya nihatag og sakyanan nga  BMW isip regalo ngadto sa iyang bana nga si Sean Fariñas.

Suma pa ni Karel nga gihagoan niya ang maong regalo busa  dili kini angayan himoong big deal.  “I do not grasp why people would have so much hate and jealousy when we are just content after all our hardships and challenges in life. Hindi ba pwedeng pinaghirapan namin ang lahat? Alam ko pwede yun,” suma pa sa Facebpok post ni Karel.

Gitataw usab niya nga second-hand  ang maong sakyanan  ug iyang gipasigarbo nga gihagoan niya ang kuwarta sa pagpalit niini. (BANAT NEWS)