Peanut Butter Cups

Kun lamian nga pagkaon ang hisgotan, dili gyud malimod nga ang unang mosantop sa atong hunahuna, mao ang tsokolate.

Ilabi na sa mga bata, mao kini ang gikahinamang pagkaon nga dili gyud nila pwedeng balibaran kun dalitan sila niini.

Daghan ang ganahan niini gumikan sa katalagsaon ug katam-is kun matilawan na. Siguro, matag ingkit nimo sa matag bahin niini, makatagamtam ka og kalipay nga way sama.

Karon, aduna na usab ko’y lamian nga recipe nga paambitan.

Kini nga klase sa pagkaon, mamahimo ra dayon gumikan kay sayon ra kaayo pangitaon ang mga sagol ug dili usab lisod buhaton. Ang gidak-on, nagdepende sa gidaghanon nga imong gusto. Naggikan kini  sa [email protected]. 

Mga gamit nga kinahanglanon:

•Panaksan

•Kutsara

•Cupcake wrappers

•Blender

Mga sagol:

•Nalanay nga tsokolate

•Peanut Butter

•Powdered Sugar (asukar nga puti nga gisagolan og cornstarch)

Proseso:

•Sa paggama og powdered sugar, isagol ang asukar nga puti ug cornstarch gamit ang blender.

•Human sa pagblend niini, isagol ang powdered sugar sa peanut butter nga anaa sulod sa panaksan.

• Ukayon kini og maayo hangtod mohumok.

•Gamit ang cupcake wrappers, ibutang og una ang nalanay nga tsokolate.

•Isunod pagbutang ang na pino na nga peanut butter ug powdered sugar.

•Kung nahimutang na kini sa wrapper, butangan na  usab kini og nalanay nga tsokolate.

•Pabugnawon sa refrigerator sulod sa pipila ka oras hangtod nga mogahi.

•Human sa pipila ka oras nga pagpaabot, mamahimo na kining i-silbi sa imong mga kahigalaan.