Niel Murillo in a dozen
CEBU, Philippines - Nagpanikad na alang sa next round sa Pinoy Boy Band Superstar sa ABS-CBN ang Sugbuanon nga si Niel Murillo.
Mapasalamaton si Niel sa mga Sugbuanon sa init nga suporta nga iyang nadawat.
“Salamat sa tanan nako nga supporters ug akong manager si Direk Marlon Douglas Hofer, sa ABS- CBN Pinoy BoyBand Superstar, sa tanan followers sa social media sama sa FB , Twitter, Instagram .. sa tanan Cebuano talents nga kuyog nako niini nga journey sa competition,” matud pa sa 17-anyos nga si Niel.
Kapin na sa one million views ang iyang video atol sa paglugwa niya sa maong show kung diin nakaangkon siya og 96% nga grado ug nitubag og “Yes” sa iyang performance .
Ang mga hurado sa maong show naglangkob nila ni Sandara Park, Aga Mulach, Vice Ganda ug Yeng Constantino.
Lumad nga taga Bogo, Cebu si Niel ug nadiskubre siya ni Hofer pinaagi sa bestfriend niini nga maoy unang nahimong talent sa nahisgutang director.
12 Facts you do not know about Niel:
1. Crying baby ko sa akong pagkabata kay sige kog i-bully sa akong kuya. Akong kuya nahimong martial arts expert then ako nahimong singer.
2. Lola’s boy ko, gitudloan ko niya mag lead sa Novena sa Sacred Heart of Jesus pagkabata pa nako.Nikanta pod ko sa choir sa simbahan.
3. Humba ang favorite nako nga pagkaon, si Mama ang pinakalami muluto og humba.
4. Sige ko’g kanta pagmata sa buntag, usa matulog, sa banyo, sa jeep, sa akong damgo, maskin asa ko gusto ko mukanta.
5. Hilomon gyud ko, dili kaayo ko mo- storya sa akong gibati. Ipaagi nako tanan sa pagkanta ug sa pag-ampo.
6. Love kaayo nako akong family, sila akong inspirasyon sa tanan nakong paningkamot sa kinabuhi.
7. Color gray or black kadaghanan sa akong mga sinina..
8. Naa koy boyband diri sa Cebu sa wala pa ko mag-audition sa Pinoy Boyband Superstar. MTB (Migo Ta Bai) ang pangalan sa among boy band.
9. Si Tonio Banach akong bestfriend sa among boy band, niapil pud siya sa PBBS ug mag- artista na pud siya sa Star Magic.
10. Naa koy local Cebuano webserye sa Youthtube please tan-awa ninyo og palihog pod og like sa among FB page sa MTB.Webserye link: https://www.youtube.com/channel/UCinY6SS8d_VuAK9F9X7F_kA ug Migo Ta Bai FB page: https://m.facebook.com/MTBcebu/
11. Out of school youth ko karon kay walay enough funds akong pamilya para mo continue ko sa akong College education.
12. Nag-una sa akong pasalamat mao ang akong pamilya ug sa akong Kuya Winjun nga gikuyogan ko maskin wala na siyay panan-aw.. Sa atong Ginoo nga makagagahum ug maluluy-on, salamat kaayo. (BANAT NEWS)
- Latest