Sarah nominado sa MTV Europe Music Awards
CEBU, Philippines - Nalakip ang pangalan sa Kapamilya singer nga si Sarah Geronimo sa mga nominado sa 2016 MTV Europe Music Awards ug pormal kini nga gianunsyo niadtong Miyerkules.
Nominado si Sarah sa Best Southeast Asia Act category kung diin katigi niya sila si Dong Nhi (Vietnam) Gentle Bones ( Singapore), Raisa Andriana (Indonesia), Thaitanium (Thailand) , ug Yuna (Malaysia).
Laing Filipina ang nahimong nominado niini, siya ang YouTube blogger nga si Donnalyn Bartolome kinsa maoy nagpasikat sa kanta nga "Kakaibabe".
Ang makadaog sa Best Southeast Asia Act category maoy himoong pambato sa Southeast Asia sa Worldwide Act: Asia category kung diin makatigi niini ang mga nominado nga gikan sa Japan, Taiwan, China ug Hong Kong.
Sa miaging tuig, nominado sa susamang kategoriya ang Kapamilya star nga si James Reid apan napildi kini ni Tung M-TP sa Vietnam.
Niadtong 2014, nakadaog si Sarah sa maong kategoriya apan wala na kini kadaog sa pagtungtong niini sa Worldwide Act: Asia.
Non-showbiz guy target ni Venus
Sa pangedaron nga 28, gitataw ni Venus Raj nga wala siya magdali nga makit-an ang iyang Mr. Right ug masaligon siya nga maabot ra kini sa saktong panahon.
”Not naman that I don’t believe in dating but I believe in waiting for the one that the Lord is really preparing for you. Kasi sabi nga even the day that you are born, there is really someone that the Lord is preparing for you to be your partner. For the rest of your life. But I don’t want to hurry because most of the time when we hurry we end up with the wrong person and we just experience unnecessary pains and heartaches so I would really want to wait for that person,” saysay pa ni Venus ngadto sa push.com.ph.
Matud pa sa beauty queen nga mo-prefer siya og non-showbiz guy kung pananglitan makauyab na siya puhon.
Gusto usab siya og lalaki nga duna’y dakong pagtuo sa Ginoo.
“ I’ve been claiming to be a follower of Jesus since birth but I think it has just manifested in my actions in the way I am in 2014. Now I have that criteria. Not naman so strict pero I have my non-negotiable like number one the person should be Godly. Not just claiming to be a Christian but you should see it in the person’s actions and way of life,” dugang pa niya.
AlDub mipakilig sa fans
Gikagobtan pag-ayo sa AlDub Nation ang screenshot sa ilang idolo nga sila si Alden Richards ug Maine Mendoza nga ilang gihulagway nga “sweet moments”.
Matud pa nga sweet kaayo ang duha sa maong mga hulagway busa nagmaya pag-ayo ang ilang fans gumikan kay padayon gihapon sila nga gipakilig sa duha bisan pa man nga nahuman na ang kalyeserye sa Eat Bulaga.
Nagmalaumon ang ilang followers nga magkadayon sa tinuod nga kinabuhi ang ilang mga idolo. (BANAT NEWS)
- Latest