Subling magpares
CEBU, Philippines - Mag-uban og balik sa proyekto sila si Paulo Avelino ug Maja Salvador . Nagkatigom na ang duha sa miaging adlaw alang sa maong proyekto. Unang nagkapares ang duha sa serye kaniadto sa ABS-CBN nga “Bridges of Love”.
Nagpakasal sa Italy
Nagpakasal na sa miaging adlaw sila si Francine Prieto ug ang iyang American boyfriend nga si Frank Shotkoski didto sa Capri, Italy. Partikular nga gihimo ang seremonya sa boutique hotel nga Casa Mariantonia. Sa wala pa sila kasla, aduna’y gihimo nga pre-wedding dinner sa Hotel Caesar Augustus.
Mocha mitubag
Giangkon ni Mocha Uson nga naka-peform gyud ang iyang grupo sa New Bilibid Prisons. Apan gitataw sa singer nga nag-agi kini og hustong proseso busa dili kini angayan himuong isyu. “Una sa lahat, hindi ko po kinahihiya iyon bakit? Tulad nga ng aking sinabi, walang masama kung ito ay dumaan sa tamang paraan. And for argument’s sake, kung bawal pala iyon hindi dapat ang mga artista o entertainer ang sisihin dapat ang pamunuan ng BuCor at dating Sec. De Lima dahil sila ang nag-issue ng kaukulang permit upang makapag-concert sa loob,” suma pa ni Mocha.
Danita naulaw ni Echo
Giangkon ni Danita Paner nga medyo naulaw siya sa dihang nakauban niya si Jericho Rosales partikular na sa seryeng Magpahanggang Wakas. Matud pa niya nga iyang giidolo si Echo ug wala niya damha nga makauban niya kini sa usa ka proyekto. Gibidahan nila ni Echo ug Arci Munoz ang Magpahanggang Wakas.
Big stars ang kauban
Dakong garbo alang kang Alden Richards nga makauban sa pag-perform sa entablado ang mga banggiitang performers nga sila si AiAi delas Alas ug Lani Misalucha. Si Alden maoy surprise guest sa back-to-back concert nila ni AiAi delas ug Lani sa KIA Theater sa miaging gabii.
Naningil og resibo?
Nitumaw karon ang report nga matud pa bugnaw na pud ang tinagdan nila sa usa’g-usa sa kanhi mag-uyab nga sila si Paulo Avelino ug LJ Reyes. Giingong nangayo og resibo si Paulo sa mga nagasto ni LJ ngadto sa ilang anak nga si Aki. Tak-om lang ang duha ka kampo kalabot sa maong tsismis.
Proyekto ni Jon nagpungasi
Gawas sa pagka-busy ni Jon Lucas sa mga gig sa grupo niya nga Hashtags, malakip usab ang aktor sa pelikula nga “Higanti” kung diin makauban niya sila si Meg Imperial, Jay Manalo ug Assunta de Rossi. Nagpanikad na ang aktor sa mamahimong resulta niini.
Unya na lang
Kun si Cathy Garcia Molina ang pasultion, dili siya ganahan nga magkadayon sila si Liza Soberano ug Enrique Gil sa tinuod nga kinabuhi samtang duna pa sila’y mga proyekto. Matud pa sa direktor nga wala‘y angayan nga dalian. Si Molina maoy direkto sa upcoming movie sa LizQuen. “I’d rather work with love teams that are not together in real life. Kapag nag-away ‘ yan, mag-aaway pa sa set ko. Minsan naman ang hirap-hirap ng eksena pero sobra silang bati, mahihirapan na naman ako. I’ve been with love teams that were in a relationship and trust me, it’s not easy,” saysay pa niya ngadto sa ABS-CBN News.
Charo andam sa romantic movie
Human sa kalampusan sa “Ang Babaeng Humayo”, bukas na pud si Charo Santos sa posibilidad nga malakip sa romantic mainstream movie. “If the material is good at maganda naman ang character, why not? Love ko rin ‘yan. Malay mo may kilig movie. Malay mo sa edad kong ito,” saysay pa niya..
Giduaw sa GF
Giduaw ni Sarah Geronimo ang iyang boyfriend nga si Matteo Guidicelli sa set sa pelikukang “Across the Crescent Moon.” Matud pa nga sweet kaayo nga pagkatawo si Sarah ug moduaw gyud kini sa iyang uyab kung dili siya busy. (BANAT NEWS)
- Latest