Jessy isip adik
CEBU, Philippines - Gidawat ni Jessy Mendiola ang role nga drug addict sa sunod niya nga pelikula. Wala pa’y final title ang maong proyekto apan naghinam-hinam na og maayo ang aktres niini.
Wholesome lang
Wala’y kissing scene sila si Liza Soberano ug Enrique Gil sa ilang upcoming movie. Suma pa ni Liza nga dili pa saktong panahon alang kaniya ang maong klase nga eksena.Si Cathy Garcia Molina maoy direktor sa ilang umaabot nga pelikula.
Fanny na-stroke
Nalandig sa tambalanan ang sikat nga stylist ug celebrity make-up artist nga si Fanny Serrano niadtong Martes sa gabii. Na-stroke si Fanny ug padayon kini nga giobserbahan sa mga doktor.
Todo panalipod
Gipanalipdan ni Robin Padilla ang mga artistang ni-perform sa Bilibid kung diin usa na niini ang Megastar nga si Sharon Cuneta. Suma pa nga wala kini dautan ug usa kini sa matang sa therapy sa mga piniriso . Suma pa niya nga ang angayan hatagan og pagtagad mao ang pagsumpo sa mga dautang element o sama sa pagsulod og ilimnon sulod sa prisohan.
Adunay major concert sa Pilipinas
Ang grupong 4th Impact adunay major concert karong Disyembre. Kahinumdoman nga mikisaw ang pangalan sa maong Pinay group sa dihang nisalmot kini og X-Factor United Kingdom sa miaging tuig.
Giandam na
Tsika pa ni Heart Evangelista nga gipareserbahan gyud niya og usa ka kuwarto ang ilang bag-ong balay. Dinhi ibutang ang bata sa higayon nga makaanak na sila sa iyang bana nga si Sen. Chiz Escudero.
Masakiton og kasingkasing
Gitambagan sa doktor ang komedyante nga si Joey Paras nga kinahanglan hatagan og saktong pahuway ang iyang lawas. Matud pa nga dunay sakit sa kasing-kasing ang singer busa dili kini angayang mahago.
Pambato sa Pilipinas
Sila si Darwin Yu ugLotlot de Leon maoy mo-representa sa nasud alang sa indie film nga 1st Sem sa All Lights India International Film Festival sa Hyderabad, India karong September 24. Todo pangandam na ang production film alang sa maong proyekto. (BANAT NEWS)
- Latest