Boy nag-sorry kang Sandara

CEBU, Philippines - Nangayo og pasaylo si Boy Abunda ngadto kang Sandara Park gumikan sa iyang pagsaway niini panahon sa Star Circle.

Si Sandara maoy special guest sa Tonight with Boy Abunda  sa miaging gabii busa nakahigayon gyud og hatag ang TV host sa iyang mensahe ngadto sa Korean star.

Kahinumduman nga usa si Boy sa mga hurado kaniadto sa SCQ ug nakalitok kini og negatibong komento kang Sandara niadtong 2004

“Sa dami mong sinabi sa akin,parang wala akong masyadong naaalala. Pero yung, ‘wala kang talent’ or ‘binili mo ba yung mga text votes,’ yung mga ganoon yung naalala ko,” tipik  lang kini sa nahinumdoman ni Sandara nga gisulti ni Boy kaniadto. Puwerting katawa ni Boy ug  samotan nga nilenggua si Sandara og ,”'Pero alam ko yun, for the rating lang yun.”

Nitubag dayon si Boy og,” Let me take this opportunity to apologize to you, I’m sorry.”

Nakasabot ra hinuon si Sandara sa mga komento kaniadto ni Boy gumikan kay nasayod siya nga pinangga siya niini.  “Look at what happened. I was wrong. You became one of the biggest stars in Asia,” tsika pa ni Boy ngadto kang Sandara.

  Nia karon sa nasud si Sandara gumikan kay usa siya sa mga hurado sa bag-ong show sa ABS-CBN nga Pinoy Boyband Superstar. 

Bag-ong balay sa Las Vegas

Malipayong gipaambit ni Ryan Agoncillo ang video clip sa iyang  Instagram account kung diin gi-welcome  niya ang iyang asawa nga si  Judy Ann Santos sa bag-o nila nga balay sa Las Vegas .

Iyaha nga gipas-an si Juday samtang nanulod sila sa balay.

“This is your new home.” Ryan captioned the video with “I love you, Judy Ann,” mensahe pa ni Ryan ngadto sa iyang kapikas sa kinabuhi.

Sukad  gi-upload  ang maong video aduna na kini kapin sa 50,000 views.

Gikasal sila si Juday ug Ryan niadtong  2009 ug duna’y tulo ka anak nga sila si  Yohan, Lucho ug  Luna.

Consultant mitin-aw sa isyu

Human nakadawat og daghang pagsaway ang umaabot nga teleserye sa GMA7 nga “Alyas Robin Hood” starring Dingdong Dantes nga matud pa, sinundog ang konsepto niini gikan sa U.S. series  nga Arrow, daling nidepensa ang creative consultant niini.

Si Suzette Doctolero, nanghimakak   sa mga alegasyon kay matud pa niya, dako ra gyud og deperensya ang maong duha ka serye-- usa ka bilyonaryo nga playboy ang lead character sa Arrow, samtang pobre nga lalaki ang karakter  sa  bida sa Alyas Robin Hood.

“Di pwedeng sabihin ng Arrow na sila ang kinopya and I doubt na magrereklamo sila kasi maski sila ay mula sa Robin Hood. 'Mali ang comparison, actually. Di pwede sabihin na porke't may bow and arrow at hood ay kinopya sa Arrow. Hindi original idea ang bow and arrow at hood.

Dahil sila ay halaw din sa Robin Hood just like Alyas Robin Hood,” saysay pa ni  Suzette ngadto sa PEP.

Pagtin-aw pa niya nga  inspired sa British folklore nga Robin Hood ang 'Ang Alyas Robin Hood .

“At malayo ito sa Arrow ng DC Comics though ang Arrow ay inspired din sa Robin Hood [at Batman],” suma pa ni Suzzette. (BANAT NEWS)