Anak ni Gabby morampa sa Miss Earth 2016
CEBU, Philippines - Pakyas ang anak ni Gabby Concepcion nga si Cloie Syquia-Skarne nga maangkon ang titulo nga Miss Universe Sweden 2016 sa grand finals sa miaging gabii sa Caf Opera, Stockholm, Sweden.
Apan nagmalipayon gihapon si Cloie sanglit siya man ang representante sa Sweden sa Miss Earth 2016 karong October gumikan kay siya man ang nilangkat sa korona nga Miss Earth Sweden 2016 .
Makatigi niya ang pambato sa Pilipinas nga si Imelda Schweighart sa umaabot nga Miss Earth 2016.
Sa iyang Instagram account , todo pasalamat si Cloie sa tanang nisuporta kaniya.
“I’m MISS EARTH SWEDEN 2016! Thank you to those who have supported me and believed in me. I would not have been who I am today without you,” suma pa sa post ni Cloie.
Kahinumdoman nga sa Pilipinas nipaubos og training si Cloie sa pagsalmot niya sa Miss Universe Sweden.
Beyonce nagmadaugon sa MTV Awards
Nanghakot og mga pasidungog ang American RnB star nga si Beyonce sa bag-ohay lang nga MTV Video Music Awards sa (VMA) sa Madison Square sa New York.‘
Nalakip na niini ang Video of the Year alang sa iyang awit nga “Formation” ug nalangkat pud niya ang tropeyo sa pipila ka kategorya sa choreography, editing, long form video ug uban pa.
Gipalukapa niya ang ubang sikat nga singers nga sila si Adele, Drake, Justin Bieber, ug Kanye West.
Nasayran nga moabot ngadto sa 11 ka nominasyon ang naangkon ni Beyonce karong tuiga . Sa miaging tuig, ang international pop star nga si Taylor Swift maoy nagmadaugon sa maong award giving-body.
40 ka artista sa Star Magic gipa-drug test
Gipa-drug test sa Star Magic ang 40 nila ka mga artista sa miaging adlaw ug subay kini sa ilang suporta sa kampanya sa government batok sa ilegal nga drugas.
Matud pa nga 100% negative ang resulta nila ni Jake Cuenca, Enrique Gil, Diego Loyzaga ug ang ubang Star Magic artists.
“Star Magic believes in the efforts of the current campaign to keep our homes and working environments drug-free,” suma pa sa statement sa Star Magic.
Kahinumdoman nga duna’y mga panawagan kaniadto nga ipa-drug test pud ang mga tawo sa entertainment industry.
Sa miaging semana, gibutyag ni James Reid nga andam siya nga magpa-drug test ug kinahanglan matud pa nga suportahan ang kampanya sa gobiyerno kalabot sa maong butang.
- Latest
