Hiyas sa Pasas
CEBU, Philippines - Ang raisins o nailhan sa kadaghanan isip pasas, makahatag og igong benepisyo sa lawas sa tawo.
Sa mga atleta, paborito kini nga kaonon gumikan kay duna kini content nga mopasaka sa level sa enerhiya sa lawas gumikan sa presensya sa selenium , phosphorus, ug protein.
Matud pa sa www.organicfacts.net., mopalig-on sa immunse system sa tawo ang pagkaon og pasas.
Mao kini ang rason nga kasagaran sa mga tawong mobakasyon, magbalon gyud og pasas aron dili dayon maluya.
Gani, aduna na’y mga pagkaon ang sinagolan na og pasas, sama sa pan, sud-an, chocolate ug uban pa.
Motabang usab kini sa pagpalig-on sa kabukogan gumikan kay aduna kini calcium ug nagsilbi usab kini nga maayo nga tinubdan sa micronutrient nga boron.
Ang boron maoy musagobang alang sa saktong bone formation nga dali makapatuhop sa calcium. Makatabang kini sa paglikay sa osteoporosis.
Nagpahipi ang potassium sa pasas nga mopalig-on og samot sa lawas. Giingong mopagana usab kini sa pakighilawas, gumikan sa presensiya sa amino acid nga gitawag Arginine.
- Latest