Churva gawas sa kaanyag

CEBU, Philippines - Mapasalamaton si Liza Soberano sa tanang tawo nga nidayeg sa iyang kaanyag. Apan panghinaot sa aktres nga dili lang kutob sa iyang kaanyag, gusto niya nga   mabatyagan usab ang iyang abilidad sa pag-arte. “Minsan feeling ko, ‘yon lang ang nakikita eh. I don’t want it to be like that,” matud pa ni Liza.

Film summit

Nakighimamat ang bag-ong head sa  Film Development Council of the Philippines (FDCP) nga si  Liza Diño-Seguerrra ngadto sa chairperson sa Cinema Evaluation Board (CEB) nga si  Christine Dayrit. Gihisgotan sa duha ang mga programa kun diin magtambayayong  ang gihuptan nila nga mga ahensiya.   Target ni Liza nga mohimo og film summit.

Palig-onon og maayo

Giingong dugangan pa og hugyaw nga mga segment ang Sunday PinaSaya aron molig-on kini og samot. Una na nga gibutyag sa mga kadagkoan sa maong show nga dako gyud ang ilang pagmaya nga niabot na kini og usa ka tuig ug wala nila damha ang paspas nga paghangop sa mga viewers.

Sold-out 

Gikatahong sold-out na sa pipila ka bookstores ang libro ni Alden Richards nga In My Own Words.  Nagbaha matud pa ang ni-order sa maong libro ug naglabi niini mao ang AlDub Nation. Todo suporta ang fans nila ni Alden ug Maine Mendoza sa maong libro.

Mga lig-ong artista

Malakip sila si Jericho Rosales, Joel Torre, ug Agot Isidro sa pelikulang  Ang Babae Sa Septic Tank 2 nga pagabidahan ni Eugene Dominggo.  Dakong garbo alang kang Eugene nga makauban sa proyekto ang nahisgotan nga mga artista nga matud pa niya puros mga lig-on.

Nagbaha ang proyekto

Tsika pa ni James Reid nga wala gyud siya  moreklamo sa  kapuno sa iyang schedule karong panahona. Matud pa sa aktor nga nagpasabot lang kini nga maayo ang dagan sa iyang career gumikan sa kadaghan sa iyang trabaho.

Special guest

Special guest si Jodi Sta. Maria sa concert nila ni Richard Yap ug Richard Poon nga The Crooners karong gabii sa Kia Theater. Malipayon si Jodi nga  mahimong kabahin sa maong concert ilabi na nga makauban niya og balik si Richard nga iyang  ka-loveteam sa  nagkadaiya niya nga proyekto kaniadto.

AlDub fan

 Fan nila ni Alden Richards ug Maine Mendoza ang anak nila ni Sharon Cuneta ug Sen. Francis Pangilinan nga si Frankie. Malingaw matud pa si Frankie sa episodes sa kalyeserye sa Eat Bulaga.

Training gisugdan na

Pipila na lang ka semana ang nahibilin, manganak na ang TV host nga si Mariel Rodriguez busa nipaubos na siya karon  og “hands-on training on newborn care”.  Nagpanikad na si Mariel nga mahimong inahan.