KathNiel nataypan sa Kazakhstan

CEBU, Philippines - Puwerting sikata karon didto sa Kazakhstan ang Kapamilya stars nga sila si Kathryn Bernardo ug Daniel Padilla gumikan sa serye nila nga Pangako Sa ‘Yo nga kasamtangang gisalida sa maong nasud.

Napili sila nga Favorite TV Loveteam sa Kazakhstan, base kini sa resulta sa online poll  nga gipasiugdahan sa local TV network  sa maong dapit nga 31 Kanal.

Gipildi nila ni Kathryn ug Daniel ang ubang sikat nga magka-loveteam   sa maong kategoriya. Kini naglangkob nila ni Savash ug Yasmin sa  “Love and Punishment”, Alexander ug  Maria sa  “Parents”, Yertugrul ug  Halima sa  “Yertugrul”.

Sa maong online poll, gipangutana ang mga tawo kung kinsa nga magka-loveteam ang nakatatak og maayo sa ilang kasing-kasing kung basehan ang gitan-aw nila nga mga serye.