dySS Numero Uno; Bunga sa dekada nga paningkamot

CEBU, Philippines - Human sa 10 ka tuig ,  naangkon pagbalik sa dySS Super Radyo ang  trono sa pagka-numero uno sa mga AM station dinhi sa Sugbo .

Malipayong gipahibalo sa station manager sa dySS nga si Susan  Aliño nga ang balanse nga programa sa news and public affairs  ug drama maoy  nakapahimo kanila nga numero uno.

“Happy kaayo  mi,  among  gipaneguro  nga makauyon ang listeners sa among programs , salamat kaayo sa tanan namong suking tigpaminaw ,” suma pa ni Aliño nga nahinabi sa Banat News Hugyaw (BNH) niadtong Lunes, pinaagi sa telepono.

Base sa data sa Nielsen Media Research alang sa ikaduhang quarter karong tuiga, ang dySS nakakuha og  46.4 % , nga gisundan sa dyHP (41.4%), DYMF Bombo Radyo (3.9%), dyAB (2.9%) ug dyRB (2.6%).

Inigsugod pa lang sa buntag,  mikisaw na ang “Morning Na Cebu” ni Gerry Auxilio  ug pabiling naglawig  sa kahanginan sa “Bobby Nalzaro On Board Saksi.”

“Sugod pa lang sa buntag , kusog na ang atong mga programa ana, unya dayon sa atong mga drama,” dugang pa niya.

Nagkanayon si Aliño nga dili lalim ang ilang naagian gumikan kay gitun-an gyud nila og maayo ang mga programa nga seguradong mohangop ang listeners.

Dugang pa niya, human malingaw ang mga tawo sa ilang drama programs, nahimong patok usab sa masa ang public service program nga “Imbestigador” ni Aljin Abaquita.     

Nasayran nga daghan na kaayo ang natabangan sa maong programa uban usab sa pag-abag sa ilang listeners nga duna’y malumong mga kasing-kasing.

Patok usab sa gabii  ang commentary program ni “Lloyd Suarez” nga nahimo na nga kabahin sa ilang listeners sa dili pa sila mangatulog.

Saysay pa ni Aliño  nga nakatabang usab sa ilang pagka-numero uno ang tin-aw nila nga signal nga mosulod gyud sa nagkadaiyang bahin sa Kabisay-an ug Mindanao.

“Padayon ta nga mohatod og mga programa,nga gipangita gyud sa katawhan “ hirit pa ni Aliño.

Dili usab mawala ang ilang lapad nga promosyon pinaagi sa ilang mga kalingawan  alang sa ilang listeners.

Samtang ang station manager sa dyHP nga si Atty. Ruphil Bañoc  nagdumili pagkomento kabahin niining maong balita.

Gibutyag hinuon ni Bañoc nga pabilin nga nag-una ang dyHP  sa resulta sa Kantar Media nga maoy partner sa Kapisanan ng mga Brodkaster ng Pilipinas sa pagpahigayon  og survey.

Vic naghinamhinam sa MFF

Nagpanikad na si Vic Sotto sa umaabot nga Metro Manila Film Festival 2016 ug target niya nga makauban pagbalik ang nangagi niya nga leading ladies sa Enteng Kabisote. Kahinumdoman nga nahimutang kasagaran sa numero uno ang mga nangagi niya nga pelikula sa MMFF.

Tighatag og tips

Nalingaw ra og maayo si Sarah Lahbati sa iyang mga sexy dance number sa ASAP. Usa sa tighatag niya og tips mao si Annabelle Rama.

Yen ug Gerald magpares

Gikatahong mag-uban sila si Yen Santos ug Gerald Anderson sa usa ka serye sa ABS-CBN. Si Dan Villegas matud pa ang direktor sa maong proyekto.

Miracles Are Forever

Aduna la’y giplantsa nga ginagmay nga kakulian sa pelikula ni Richard Guttierez nga “Miracles Are Forever” hinungdan nga na-delay ang pagpasalida niini. Ang maong pelikula naghisgot sa Mamasapano Massacre.

Sakto nga exposure

Matud pa nga daghan kaayo og exposure sa  Season 4 sa  It Takes Gutz to be A Gutierrez ang anak ni  Ruffa Guttierez nga sila si  Lorin ug Venice. Giingong hayag na ang kaugmaon nila sa showbiz.

Malipayon alang kang Jaya

Malipayon si Regine Velasquez alang sa iyang higala nga si Jaya kinsa nibalhin sa ABS-CBN. Ang singer maoy usa sa mga bag-ong hurado sa Tawag ng Tanghalan sa It’s Showtime.  “I told her lang, I’m so happy for you. Blessing ‘yan, mare,” suma pa sa singer.

AlDUB sa Real Talk

Sila si  Alden Richards ug Maine Mendoza maoy special guests  karong adlawa sa programang Real Talk sa CNN Philippines. Hisgotan sa duha ang pelikula nila nga Imagine You And Me. Sila si Christine Jacob- Sandejas ug Rachel Alejandro maoy hosts sa maong show.

Jasmine mitubag

Gitubag ni Jasmine Curtis Smith ang pasangil sa usa ka netizen nga matud pa ngil-ad siya og batasan  gumikan kay wala kini gana sa dihang nagpahulagway kaniya ang maong netizen.  Gibutyag sa aktres nga naglain ang iyang lawas gumikan sa taas niya nga biyahe ug nahitabo usab kini sa pribado niya nga oras uban sa iyang pamilya.

Piolo ug Juday mag-uban

Makauban ni Pio­lo Pascual  ang kanhi ka-loveteam niya nga si Judy Ann Santos sa usa ka endorsement. Malipayon si Piolo gumikan kay taudtaud na nga wala niya makauban si Juday.

Pinay nakadaog

Ang pambato sa nasud nga si Zsa­ris Mendioro maoy champion sa ka­te­goryang Loop Sta­tion sa 2016 Interna­tional A Capella Cham­pionships.  Ang maong kompetisyon gipahigayon sa Singapore sa miaging semana. (BANAT NEWS)