AGT target sa Power Duo
CEBU, Philippines - Human sa ilang kadaogan sa Pilipinas Got Talent, target na usab karon sa acrobatic dance act nga Power Duo nga mosalmot sa Asia’s Got Talent.
Gilangkoban nila ni Anjanette ug Garvin ang Power Dou ug gipakilig usab nila ang viewers gumikan kay nahulma gyud ang ilang relasyon sukad sila niapil sa maong show,
“Gusto po naming sumali sa international competitions lalo na po sa ‘Asia’s Got Talent’ po. Sana po makasali po kami,” suma pa ni Gervin sa usa ka TV interview.
Bisan pa man sa ilang kadaogan, magpadayon gihapon ang ilang lapad nga training aron makaporma og lain pa nga estilo sa ilang talento. ()
KC himoong pribado ang love life
Giangkon ni KC Concepcion nga malipayon siya karon sa iyang kasamtangan nga love life apan dili na siya modetalye pa sa gidungog nga relasyon nila sa football player nga si Aly Borromeo.
“Happy ako sa love life ko ngayon. Pero I don’t want to say much. Again, it’s not a secret but it’s private. I’d rather keep it that way,” suma pa ni KC atol sa presscon sa giindorso niya nga produkto.
Kahinumduman nga nakilig ang iyang fans human siya ni-post sa Instagram og hulagway sa iyang kamot duna’y ka-holding hands.
“First time ko to do something like that. It’s really freeing. Parang freedom siya,” matud pa niya.
Suma pa ni KC nga gusto niya og pribadong love life ilabi na nga dili taga showbiz ang maong lalaki.
“Siyempre mahal ko naman ‘yung mga fans. I want to give them something also that would make them happy. Siguro more than that, I will just keep quiet na lang kasi he’s not naman in showbiz and it’s part of my life that’s actually private. Not secret; private,” saysay pa sa aktres.
Mga Fil-am sa Ninja Turtles
Duha diay ka mga Filipino-American ang responsable sa hugyaw nga fight scenes sa pelikulang “Teenage Mutant Ninja Turtles: Out of the Shadows.”
Tulin kaayo ang pagtrabaho sa stunt coordinator sa maong pelikula nga si Jonathan Eusebio uban sa pag-abag sa laing Fil-Am nga multi-martial artist nga si Jon Valera.
Ang duha nagtinabangay aron todo ang aksyon sa pipila ka mga eksena sa maong pelikula..
“The biggest challenge on sequels is always to try and outdo the original, whether in magnitude of the action or the complexity of the story,” nagkanayon si Eusebio ngadto sa ABS-CBN News.
Gipaneguro usab sa duha nga dili magmika ang mga tawo nga motan-aw niini.
“We tried things we didn’t get to do on the original, but at the same time preserved the fun and humor of the Turtles’ camaraderie. We listened to feedback from the previous movie and fans can expect something even bigger and better this time around,” dugang pa niya.
Ang “Teenage Mutant Ninja Turtles: Out of the Shadows” ipasalida na sa mga sinehan dinhi sa Pilipinas karong June 1.
Gloc-9 duna’y bag-ong album
Human sa 10 ka tuig , gi-release na ang comeback album sa rap icon sa nasud nga si Gloc-9.
Nag-ulohan kini og “Sukli” ug siya usab ang nagsilbing overall producer niini.
“I’m excited for all the things that I can do now that I’m back with my Star Music family. ‘Sukli’ is an album that proves writing songs is still my dream come true. I am happy that my fans, who continue to support me, will hear the new songs I made,”nagkanayon si Gloc-9.
Dili na mabangbang ang kalampusan ni Gloc-9 sa music industry ug nagbaha na ang mga pasidungog nga iyang nadawat gikan sa nagkadaiyang award-giving bodies sa nasud, kini sama sa Awit Awards, MYX Music Awards, PMPC Star Awards for Music, Guillermo Mendoza Box-Office Entertainment Awards, ug FAMAS Awards.
Pipila sa mga unod sa bag-o niya nga album naglangkob sa “Industriya” , “Ang Probinsyano” , “Sagwan”, “Barya Lang, ug “Payag.”
Hugot lines magbaha
Plantsado na ang tanan alang sa upcoming movie sa Star Cinema nga The Achy Breaky Hearts nga pagabidahan nila ni Jodi Sta. Maria , Ian Veneracion ug Richard Yap.
Gihimo na sa miaging adlaw ang pictorial alang sa tulo ka mga bida ug wala pa’y tataw nga petsa sa pagpasalida niini.
Gipaabot nga magbaha ang hugot lines sa maong pelikula nga maoy uso karong panahona.
Una na nga gipadayag ni Jodi nga dakong garbo alang kaniya nga makauban ang mga aktor nga puros niya napares sa mga nangagi niya nga serye sa ABS-CBN.
Si Antoinette Jadaone maoy direktor sa The Achy Breaky Hearts ug istorya kini sa babaye nga mahimamat ang duha ka mga lalaki nga biktima pud sa gugma. (BANAT NEWS)
- Latest