Nakasuway og drugs

CEBU, Philippines - Giangkon sa Kapamilya actor nga si Jericho Rosales nga nasuwayan niya ang paggamit og ilegal nga druga sa dihang  batan-on pa  siya. Mapasalamaton gyud ang aktor gumikan kay nakontrol gyud niya ang iyang kaugalingon sa pag-undang niini. Gitambagan niya ang mga  batan-on nga dili mogamit og drugas gumikan kay dili kini makapalambo sa kinabuhi.

Pangandoy ni Vin

Gipangandoy ni Vin Abrenica nga makauban niya sa trabaho sila si Julia Barretto ug Liza Soberano.  Nagmalaumon ang aktor nga makadawat og daghang proyekto sa ABS-CBN. 

Bag-ong direktor

Malipayon nga gipadayag ni Xian Lim nga si Cathy-Garcia Molina maoy bag-ong direktor sa serye nila ni Kim Chiu nga  The Story of Us. Si  Molina maoy  nihulip kang Richard V. Somes nga maoy unang direktor sa maong serye. Malipayon ang aktor gumikan kay nasayod siya kung unsa kalig-on ang maong direktor.

Amping gyud dong !

Mapasigarbohong  gibutyag ni  Edgar Allan Guzman nga wala pa gyud siya nakasuway nga nakapamabdos og babaye. Kung makauyab gani ang aktor,  kanunay gyud siya nga mag-amping.  “Ay wala, hindi pa po ako nakakabuntis. Wala pang disgrasyang nangyayari sa akin. Maingat ako, sobra,” suma pa ni EA.

Nalingaw ang cassren

Puwerting lingawa nila ni Darren Espanto ug Cassy Legaspi  ngadto sa  ilang fans nga nahimuot  nilang duha.  Magkaabot sila si Darren ug Cassy  matag  Domingo sa ASAP ug nailhan pag-ayo ang ilang tandem isip CassRen. “Nakakatuwa sila kasi when Cassy and I first met, we were talking about  #CassRen and we were talking about how crazy the fans would go once we posted our first selfie together,” suma pa ni Darren. ­—(BANAT NEWS)