Churva; Angelica naglagot

CEBU, Philippines - Nag-post si Angelica Panganiban batok sa usa ka netizen nga nagpa-hulagway  kaniya sa Boracay. Ang netizen nag-post og hulagway  nila ni Angelica nga nilenggua nga  maldita ang aktres. Gusto ra diay matud pa sa maong netizen nga magpahulagway  kang Daniel Padilla. Gitubag kini ni Angelica nga pina-sarcastic ug nakaingon na hinoun kini nga dili na siya magpahulagway bisan kinsa.

Bunga sa kahago

Gipasigarbo  ni Coco Martin nga ang iyang 2,000 square meters  nga balay  gumikan kay bunga kini sa iyang  kahago sa showbiz sulod sa 10 katuig. “Ang tagal ginawa ’yong bahay, kasi ipon, ipon, ipon. Kasi dahan-dahan lang, ayoko kasing biglain. Natakot na man akong mangutang sa bangko, kasi alam mo naman ’yong work natin— minsan okey ’tapos biglang mawawala”, suma pa sa aktor.

Okay ra man diay

Giangkon sa direktor sa Love Me Tomorrow nga si Direk Gino Santos nga medyo dili siya komportable sa dihang nasayod siya kaniadto nga makatrabaho niya   sila si  Dawn Zulueta ug Piolo Pascual.Nakaingon ang direktor niadtong higayona nga si  Olivia Lamasan maoy angayan nga modala sa proyekto nila  ni Dawn ug Piolo. Sa dihang nagsugod na ang shooting, nausab ang iyang panglantaw sa duha, ug komportable ra diay siya niini..“They are so light to work with. They are outgoing and, like me, they are not afraid to go crazy and be silly,” matud pa sa direktor.

Nilungtad og dugay

Mapasalamaton ang aktres  nga si Camille Prats nga niabot na  siya og upat ka tuig isip host sa programang Mars. Gipahigayon sa miaging adlaw   ang ika-1000 nga episode sa maong programa .. (BANAT NEWS)