Churva dili uyab

CEBU, Philippines - Gitataw sa teen star nga si Sofia Andres nga wala gyud sila’y relasyon ni Diego Loyzaga. Suod lamang matud pa sila nga managhigala. Pero gitug-an sa aktres nga malipayon siya kun kuyog si Diego kay makalingaw kini.

Bag-ong lingaw

Ang pag-apil og mga car racing event ang bag-ong lingaw sa sexy-actress nga si Arci Muñoz karon. Malipayon usab ang maong aktres sa iyang unang pag-apil sa car race sa niaging adlaw.

Andam na

Giandam na sa Kapuso actress nga si Yasmin Kurdi ang iyang kaugalingon sa pagdawat og mga sagpa gikan ni Katrina Halili kun diin mao kini ang kontrabida sa ilang bag-ong salida matag hapon sa GMA 7 ang Sa Piling Ni Nanay. "Ine-expect ko na na malakas talaga ang mga sampal at sabunot ni Katrina sa akin. Kasi si Katrina ang tipo ng artista na totoo (laughs), totoo lahat. Okay lang naman kung 'yun 'yung mas-feel niya na atake. Kahit bugbugin niya ako, it's okay. Kaya ko naman po 'yun (laughs),"  suma pa ni Yasmin. — Leslie Marie M. Tumulak, CNU-Communication Intern

Nagpakilig sa fans

Gikilig ang liboan ka fans sa Jadine dihang ni-post si James Reid sa iyang instagram account diin nag-kiss sila ni Nadine. Ang maong hulagway kuha sa surprise birthday party ni James nga giandam sa iyang uyab nga si Nadine niadtong Mayo 11, 2016.

Plano pa lang

Gibutyag ni Erich Gonzales ug Daniel Matsunaga nga aduna na sila’y planong magpakasal apan kutob lang usa kini sa plano.Gitataw nilang duha nga mas prioridad nila ang trabaho una magminyo.Malipayon ang duha nga extended ang ilahang show nga Be My Lady hangtud Oktobre ning tuiga.

Sarah, nasakit?

Dili makatambong ang Popstar princess nga si Sarah Geronimo sa MTV Music Evolution sa umaabot nga Hunyo 24 tungod sa health issues. Gikompirmar kini sa MTV Asia pinaagi sa usa ka tweet. Ang maong Music Festival tambongan sa American pop rock band nga One Republic ug Viva Talents nga sila si James Reid ug Nadine Lustre.— (BANAT NEWS)