Nisuporta sa ex-BF

CEBU, Philippines - Gipausbaw ni Angelica Panganiban ang iyang suporta ngadto sa iyang kanhing uyab nga si John Lloyd Cruz. Gi-endorso niya ang pelikula niini nga Just the 3 of Us nga mapasalida na karong adlawa sa mga sinehan.

Kontento na sa laing career

Naila isip si DJ Tommy sa lokal ug internasyonal nga mga club ang kanhi aktor nga si Tom Taus. Kahinumduman nga nahimong bida  si Tom sa Batang Z ug Cedie ang Munting Prinsipe niadtong 1996. Giangkon ni Tom nga dili alang kaniya ang pag-arte. Matud pa niya nga mas nakakita siya og interes sa musika ug ganahan siya nga molambo sa maong aspeto.

Nakasab-an sa direktor

Gikasab-an ni Direk Laurice Guillen ang aktor nga si Derrick Monasterio gumikan kay wala niya  basaha ang iyang script  sa serye niini nga Hanggang  Makita Ka Muli. Matud pa ni Derrick nga nakat-on na siya sa maong panghitabo mao nga kanunay na niyang pangandaman ang iyang mga linya ug pag-arte sa dili pa moatubang sa  kamera.

Trending ang unang adlaw

Nag-trending sa Twitter ang talk show ni Marian Rivera nga Yan ang Morning atol sa pilot episode niini niadtong Lunes. Malipayon si Marian sa mga positibong komento nga iyang nadawat gikan sa viewers.

Kim duna na’y uyab

Daghan ang nakuryoso sa relationship status karon sa sexy aktres nga si Kim Dominggo. Giangkon niya nga malipayon siya  sa iyang unom ka tuig nga hinigugma. Matud pa niya sayo siya nga na inlove kaniadto. Gani, suportado usab niini  ang iyang showbiz career.

Nabunyagan na

Nabunyagan na niadtong miaging adlaw ang anak nila ni  Empress Schuck ug Vino Guingona  nga si Athalia. Pito na ka buwan ang milabay human nanganak si Empress niadtong miaging tuig.

Bag-ong uyab ni Vina

Nitug-an na si Vina Morales nga opisyal na sila nga uyab ni  Marc Lambert nga usa  ka French businessman .  Malipayon si Vina tungod kay nauyonan kini sa iyang anak nga si Ceana “I am happy that Ceana feels comfortable with Marc.  And also, he is the one who makes sure na komportable yung anak ko when they are together, so my daughter really likes him,” suma pa ni Vina

Na-hack 

Nanghunaw sa isyu ang basher ni Melai Cantiveros nga si Shawie Constantino Enriquez. Giingong na-hack ang account niini  sa Facebook tungod kay dili na niya kini  ma-access  ug gitataw niya nga dili siya ang responsable sa pagpadala og ngil-ad nga menshe ngadto sa komedyanteng aktres. Kahinumduman nga puwerting lagota ni Melai human siya giinsulto niini ug giingnan pa gyud siya nga unta ma-rape ang iyang anak.

Loyal nga Kapuso

Mipirma og laing kontrata sa  miaging adlaw ang Kapuso star nga si Rhian Ramos sa GMA. Matud pa niya nga magpabilin siya nga loyal sa maong network. Malipayon usab si Rhian gumikan kay usa ka dekada na siya nga  gi-ampingan sa GMA. (BANAT NEWS)