Rafael misuporta sa PETA

CEBU, Philippines - Si Rafael Rosell maoy modelo sa latest ad campaign sa People for the Ethical Treatment of Animals (PETA) Asia nga “Earn your wings: Go Vegan”.

Gisuportahan ni Rafael ang maong kampanya  gumikan kay naluoy sa mga hayop nga ihawon busa gipanawagan niya nga labing maayo nga mokaon na lang og utanon.

“The most powerful way to be an angel for animals is to stop eating them and their byproducts such as eggs and dairy. I urge everyone to go vegan and enjoy blissful, cruelty-free versions of traditional Filipino dishes such as vegetable kare-kare and tofu sisig,” suma pa sa aktor.

Matud pa nga  layo sa mga sakit ang mga tawong mahiligon sa pagkaon og  utanon.  Dili mokaon si Rafael og karne sulod na sa pipila ka tuig. Ang pagkamahiligon niya sa utanon maoy usa sa rason nga maayo ang  pamorma sa iyang lawas.

Dili hilig og PDA

Giangkon ni Nadine Lustre nga dili siya  hilig og  PDA (public display of affection)   gumikan kay maulawon siya nga pagkatawo. Gitataw ni Nadine nga sweet nga pagkatawo  ang iyang boyfriend nga si James Reid apan dili  sila hilig maggakos-gakos atubangan sa daghang tawo.

'Hindi po kasi ako sanay nang ganun—yung nagsasabi publicly. Mahiyain talaga ako pagdating sa relationships,” matud pa ni Nadine. 

Gerald maghubo sa bag-ong serye

Gibutyag ni Gerald Anderson nga duna ‘y mga eksena nga maghubo siya sa seryeng Because You Love Me kung diin kauban niya sila si Jake Cuenca ug  Yen Santos .

Gipaabot ang sexy scenes  sa maong serye ug gitataw ni Gerald nga tipik lang kini sa pag-uswag sa iyang career ug dili lang   kutob  sa pa-cute ang iyang nahibaw-an.

Una na  kini gipamatud-an ni Gerald pinaagi sa  init nga eksena nila  kaniadto ni Arci Muñoz sa pelikulang Always Be My Maybe.

Janine nakulbaan sa kissing scene

Giangkon ni  Janine Gutierrez nga gikulbaan siya sa dihang gibuhat ang  kissing scene nila ni Aljur Abrenica sa seryeng  Once Again. Suma pa ni Janine nga dili pa kaayo sila close ni Aljur sa dihang nagkauban sila kaniadto sa seryeng Dangwa.  Nagkasuod na sila niini pag-abot sa Once Again.

“Pareho kaming nahihiya sa isa’t isa. Noong Dangwa po kasi, wala kaming chance na maging close. Wala kaming bonding time kasi iba ang mga nagiging eksena ko.Dito po sa Once Again, parati kaming magkaeksena kaya mas nakilala ko si Aljur,” suma pa ni Janine.

Jen mag-host og cooking show

Sugdan na karong Mayo 8  ang  bag-ong cooking show ni Jennylyn Mercado nga Dishkarte of the Day sa GMA News TV. Nagpamatuod kini nga magpabilin sa GMA network ang aktres ug dili  tinuod ang mga hungihong nga matud pa mobalhin ang aktres og laing network. Makauban ni Jen sa maong show sila si Sam YG ug  Betong Sumaya.

Una na nga nabalita kaniadto nga interesado ang ABS-CBN kang Jennylyn.

Sunshine mibuwelta kang Cesar

Nanawagan si Sunshine Cruz ngadto kang Cesar Montano nga hunongon na unta niini ang pagsige og mention sa pangalan sa ilang mga anak sa nagka-daiyang interview niini.

Kahinumduman nga gipadayag ni Cesar sa miaging adlaw nga siya maoy nagbayad sa tuition fee sa ilang mga anak.

 “I hope he stops mentioning the kids. Hindi siya kinakawawa o kawawa. If in his heart po masama ang loob niya sa utos ng korte na siya ang magbayad sa tuition then ‘wag niya gawin kesa naman banggit siya nang banggit na siya ang nagpapaaral ng kids,” saysay pa niya ngadto sa Push.com.ph.

Gitataw ni Sunshine  nga  ang pagbayad og tuition fee sa ilang mga anak  dili  maoy basehanan nga  matawag nga maayong amahan si Cesar.

‘Di naman napapatunayang mabuti ka ngang ama dahil lang sa ikaw ang nagbabayad ng tuition. There is more to that if you are a responsible parent to your children,” dugang pa sa aktres.

Nakugang si Sunshine sa gisulti ni Cesar nga matud pa duna kini katungod nga makakita sa ilang anak.  “Ang sabi niya, he has the right to see the kids. Kids are big enough to decide if they want to see him. Bakit nga ba sa akin napunta ang full custody ng mga bata? Baka may matinding dahilan, ’di ba?,” buwelta pa sa aktres.

Gitataw ni Sunshine nga gitarong niya og atiman ang iyang  mga anak busa  wala’y angay nga kabalak-an si Cesar .

 “Kids are fine. We are fine. Nananahimik na nga, eh. Sinusubukang manahimik pero ayaw niyang tumigil. Kids are happy, excelling and not at all bothered and traumatized unlike before. Sana patahimikin na lang muna niya kami at tigilan na ang pag-iingay sa media,” saysay pa sa aktres.

Giingnan ni Sunshine si Cesar nga labing maayo nga mo-focus na lang kini sa pag-atiman sa ubang anak niini.  “Who knows all of these will make him realize that maybe siya ang may mali kaya naging ganyan ang sitwasyon,” dugang pa ni  Sunshine. (BANAT NEWS)