Nanumpa og balik

CEBU, Philippines - Malipayong mi-renew ang  magtiayong Judy Ann Santos ug Ryan Agoncillo  sa ilang wedding vow niadtong Sabado sa Batangas.  Atol kini sa pagsaulog sa ilang 7th wedding anniversary. Gitambungan kini sa ilang pamilya ug suod nga mga higala sa showbiz.  Ang seremonya gipahigayon sa usa ka resort  sa  Batangas.

Naluoy sa amahan

Usa si Meryll Soriano sa naguol  sa kasong  child abuse nga giatubang sa iyang amahan nga si Willie Revillame.  Matud pa ni Meryll nga naluoy siya og maayo sa iyang amahan gumikan kay nasayod siya nga kusog kini moluom og problema.

Busy sa karera

Dili pa andam si  Jericho Rosales ug ang iyang asawa nga si Kim Jones nga makabaton og anak. Giangkon usab ni Jericho nga gimingaw na siya sa iyang asawa sanglit tua kini sa laing nasud nga busy usab sa iyang karera. Matud pa sa aktor nga usahay ra  magkatakdo ang ilang schedule.

Ka look-alike

Adunay ka-look alike ang Kapuso actor nga si Miguel Tanfelix nga usa ka Indonesian celebrity. Matud pa sa aktor nga adun a siya’y   Indonesian fans nga kanunay nga i-mention si Deva Mahenra sa iyang mga hulagway sa Instagram. “This is what I get from being active. Indonesian fans tagging and mentioning @devamahenra on my pics and Filipino fans on his pictures coz we "look like each other,” suma pa ni Miguel.

Scripted lang

Gitataw ni John Prats nga scripted ang tanang hugot lines ni Angelica Panganiban sa Banana Sundae. Kahinumduman nga daghan ang mi-react sa mga hugot sa aktres sa usa ka episode sa maong pasundayag. “Mas malaki lang yung impact pag siya ang bumitaw pero pag ako nagsalita nun parang okay naman pero hindi kasing lakas nung impact nung pag siya yung bumibitaw nun. Sabi ko siguro na-timing lang dahil may napagdaanan siya”, suma pa ni John.

Na-traffic tingali

Giangkon ni Shaina Magdayao nga wala pa’y nagkainteres nga panguyaban siya. Komedya pa niya nga basin og na-traffic lang hinungdan nga  dugay kini miabot. “I have yet to find that person who's going to make me give up my singlehood”, suma pa ni Shaina.

Divas in Manila

Malakip si  Rachelle Ann Go sa ipahigayong konsyerto nga “Divas in Manila” sa Smart Araneta Coliseum karong Nobyembre 11. Kauban ni Rachelle sila si Angeline Quinto, Kyla, Yeng Constantino, ug KZ Tandingan. Suportado usab siya sa producer sa Les Miserables nga si Cameron Mackintosh.

Yan ang Morning mosikad na

Magsugod na karong adlawa ang bag-ong show ni Marian nga Yan ang Morning sa GMA 7. Makauban ni Marian si Boobay isip co-host. Si Aiai Delas Alas ug ang anak niini nga si Sancho ang pilot guests  sa  maong programa.

Healthy completion

Magdungan nga ipasalida ang pelikulang This Time ug Just the 3 of Us karong Mayo 4. Matud pa sa usa sa mga bida sa This Time nga si James Reid nga dili siya ganahan nga himoong isyu ang pagdungan niini gumikan kay nagtrabaho ra sila og usa ka  network.. “It’s a first time experience so I really don’t know how to react. But I’ve always believed in healthy competition. Of course, we’re surprise as well,” suma pa ni James.

Lahi og estilo

Giangkon sa apo ni Paquito Diaz nga si Kiko Estrada nga ganahan siya maila pinaagi sa iyang kaugalingong estilo sa pag-arte. Naggikan si Kiko sa pamilya sa mga sikat nga aktor sa miaging  henerasyon.  Unang makita si Kiko sa pelikula nga Diyos-Diyosan. Kauban niya sa maong proyekto  ang iyang inahan nga si Cheska Diaz. – (FREEMAN)