PIRming nindot ang kabuntagon

CEBU, Philippines - Gitataw sa aktres nga si Marian Rivera nga ang iyang pamilya ang rason nganong nindot pirmi ang iyang kabuntagon. Mapasalamaton usab siya sa Diyos nga gipasinati siya og nindot nga kinabuhi inubanan sa iyang pamilya.

Tulo ka managsunod nga anak

Gustong sundan dayon nilang John Prats ug Isabel Oli ang ilang anak sa dili pa mag usa ka tuig ang bata.  Suma pa ni John nga tulo ka sunod-sunod nga anak ang ilang giplanohan. “Si Liv [nickname ni Isabel], actually… ang tagal ko naman kasing hinintay ito, at I’m thirty-two and Liv is thirty-four. So siguro, it’s about time na sunud-sunurin na namin,” suma pa ni John.

Gikasal na

Gikasal gahapong adlawa ang celebrity model ug host nga si Georgina Wilson ngadto sa British businessman nga si Arthur Burnand. Kahinumduman nga gipahigayon ang bridal shower ni Georgina didto sa Peninsula Manila nga gitambongan sa iyang mga suod nga higala sama nila ni Anne Curtis, Solenn Heussaff, ug Isabelle Daza.

Pangandoy ni Nadine

Natuman na gyud ang dugay nga pangandoy ni Nadine Lustre nga makakita og cherry blossoms  didto sa Japan. Suma pa ni Nadine nga kaniadtong bata pa siya naghandum nga makakita og cherry blossoms. Dugang pa niya nga sa buntag ra kini niya nakita atol sa ilang shooting sa pelikula nga ‘This Time’.

Wala pay ka love-team

Gitataw sa aktor nga si Joshua Garcia nga gimingaw siya sa iyang ka love-team kaniadto nga si Loisa Andalio kinsa kapares na karon ni Yves Flores sa Be My Lady. Suma pa ni Joshua nga nasayod na siya nga muabot ang panahon nga magbuwag ang ilang loveteam ni Loisa, “Mangyayari’t mangyayari naman po talaga yon. Hindi na rin po ako nabigla,” suma pa ni Joshua.

Cesar Montano ‘Pa bibo’

Nag-post sa instagram og usa ka kutlo kabahin isip ginikanan ang aktres nga si Sunshine Cruz. Suma pa ni Sunshine, gitawag niya si Cesar og ‘Pa bibo’ kini human sa interview sa iyang kanhi bana nga nagpadayag sa iyang kamingaw sa ilang mga anak.

PIRming andam

Gitataw ni Jake Cuenca nga pirmi siyang andam sa mga sexy nga eksena sa telebisyon. Suma pa ni Jake nga andam na sab siya sa ilang eksena kauban si Yen Santos sa ilang bag-ong teleserye nga ‘Because You Love Me’. “Of course, kasi athletes kami, e, pagtakbo namin, malamang na papawisan kami at maghuhubad ng shirt, something like that. About love scenes, on my side, sinabi na sa akin na mayroon ngang mga love scenes. I’m always ready for that,” suma pa ni Jake.

Wowowin matapos na?

Magpahuway usa kadiyot karong Mayo ang programang Wowowin kauban ang host nga si Willie Revillame. Suma pa sa Vice President for Corporate Communications sa GMA nga si Angela Javier-Cruz nga magbakasyon sab kadiyot si Willie tungod kay ma-busy na kini sa pagbalik alang sa unang anibersaryo sa Wowowin ug takdo sab tungod kay gamiton ang mga pasilidad sa maong programa alang sa umaabot nga eleksyon.

Unahon ang pagtungha

Dili tugotan ni Jeric Raval nga mosud sa showbiz ang mga anak niini sanglit buot niya nga unahon usa ang pag-eskwela. Matud pa ni Jeric nga gusto niya humanon usa ang pagtungha tungod kay dili permanente ang pag-artista.

Kapuso stars nagtinabangay

Mapasalamaton si Neil Ryan Sese ngadto sa iyang mga higala sa showbiz human misuporta ug mitabang kaniya para makaadto sa France alang sa The Cannes Film Festival karong Mayo 11 hangtod 22. Kahinumduman nga niadtong Abril 26 gisaulog niya ang iyang birthday, dungan niini iyang gipangandoy nga makatigom og kwarta pinaagi sa pagbaligya og t-shirt.  Daling nitabang kaniya sila si Alessandra de Rossi, Camille Prats ug TJ Trinidad. Mapasalamaton sab si Neil nila ni Kapuso Primetime King Dingdong Dantes, Barbie Forteza, Joyce Ching, Jerald Napoles, Angelika dela Cruz ug Gabby Eigenmann sa pagtabang kaniya. –(BANAT NEWS)