Paborito sa aktres

Halllooo BisChika Sunday na SKB! Nalingaw ko sa akong usa ka estudyante sa summer workshop kay sa dihang naa koy gipabuhat nga activity about sa iyang paborito nga pagkaon kalit na mention niya ang paborito nga paborito usab sa usa ka sikat nga aktres karun. Nganong nakaingon ko nga paborito? Kay ako mismo ang nikuyog niya sa pagpalit. Mao ni ang Kinsa Siya???? Nakahisgot ang aktres sa usa ka brand sa pagkaon ug niingon ko nga check! Pwede kini mapalit dire sa Cebu kay locally made ang maong produkto pero ang problema kay gabii na ug nanira na ang tindahan. Tungod kay gusto gyud  siya mopalit ug dunay giapas pa nga flight sunod ugma, ang ending kay sayo daw siya momata ug moadto sa mall para mopalit ug ni lenggua nako nga kuyugan nako siya. Hala noh? Sayo pud ko momata?Wala koy choice kay basin makasab-an ko sa akong boss o diba kaha sa iyang manager atong panahona kay heavy ka maldita murag monster kun masuko. Tuod man, sayo mi nangmata ug maayo na lang dunay service van ug niadto mi sa mall ug nipalit. Kinsa Siya nga aktres? Gikan sa usa ka network nibalhin sa usa ka network ug nibalhin na pud sa laing network. Ni gwapa og samot kay nitalingting na ang ilong. Sa iyang last movie kay nigawas ang iyang akting. Produkto kini sa usa ka artista search. Ug ang iyang favorite food nga paliton kay longganisa. Parehas man mi og gusto palit na lang pud ko. hahahaha! 

Speaking of food, malampuson kaayo ang Summer Food Festival 2016 sa City Time Square kauban si Ms. World 2013 Megan Young. Sa wala pa nilugwa si Megan Young duna usa kami cooking segment sa program plus ni hataw ang Power Trio. Kay si Mars Aida Pataña maoy nag organize dili mawagtang ang papremyo, nag -uwan og Michels Wine, mga appliances plus cellphones. Tungod kay unang higayon nako  makatrabaho on stage si Megan, na impress kaayo ko sa iyang pagka beauty queen, sa paglakaw niya stage, pagtubag sa akong interview plus game kaayo sa among raffle draw. Mao nga as a Miss World panahon nako sa high school life kay Ruffa G. akong screen name hahaha! Apil kog Ms Gay Ruffa G akong gamiton. Mao katong adlawa it’s a dream come true... Miss World 1993 2nd Princess meets Ms World 2013. Char!!! 

Sa laing BisChika, way kabutangan ang akong kalipay mga Kabischika kay wa ko magdahum nga ang akong gipangandoy sa una nga makatukod og bisan gamay nga events and productions company natuman ug gani gisaulog na ang unang anibersaryo niadtong Abril 27. Yes, YUR Events and Productions (YUREP) just turned one this year! Gisugat og dakung grasya ang birthday sa YUREP kay kami ang gisangunan sa Cebu Gems Innovation and Career Development Incorporated sa highlight sa ilang 6th anniversary nga mao ang first ever Mr. and Ms. Cebu Gems! O di ba back-to-back anniversary celebration ang peg? Congratulations to Cebu Gems management, staff and employees and to the winners sa ilang inter-branch pageant nga silang Fhebie Navarro of Carriedo Branch ug ni Carlo Juego of Ermita Branch, puros taga Anilams (Manila). Thank you also to my YUR Events team nga motabang naku sa pagtuman sa slogan nga “We make your occasions a memorable event!” Ug sa akong mga suppliers and clients. Cheers!