Follow-up movie
CEBU, Philippines - Giandam na ang sunod nga pelikula alang kang Jericho Rosales nga magsilbing selebrasyon sa iyang ika- 20 ka tuig sa showbiz. Gipasalig ni Echo nga mo-level sa Walang Forever ang sunod niya nga proyekto. Kahinumduman nga napili nga best actor si Echo sa Metro Manila Film Festival 2015 gumikan sa maong pelikula.
Todo suporta
Nitambong sila si James Reid ug Nadine Lustre sa bag-ohay lang nga premiere night sa pelikulang Girlfriend For Hire nga gibidahan nila ni Yassi Pressman ug Andre Paras. Gipakita sa duha nga suportado nila ang career sa ilang mga suod nga higala kinsa kauban usab nila sa Viva.
Nawong ni Julia gipausab
Gikatahong duna’y gipausab sa nawong ni Julia Montes nga gipaagi og Face Out Fat procedure ni Dra. Vicki Belo .Nilutaw ang pamorma sa nawong sa aktres.
Pangandoy natuman
Gibutyag sa singer-actor nga si Kean Cipriano nga dugay na niya nga gipangandoy nga mahimong direktor. Aduna’y gigama si Kean nga short film ug panghinaut niya nga mauyonan kini sa mga tawo.
Bag-ong season giluto
Nagpadayon ang negosasyon sa season 4 sa It Takes Gutz to be a Gutierrez sa E! Channel. Kahinumduman nga ni-click ang maong show nga gidumala ni Annabelle Rama uban sa iyang pamilya. Posibleng sa Hulyo ra kini sugdan gumikan sa ka-busy sa mga anak ni Anabelle.
Petsa sa kasal hanap pa
Gipadayag ni Zsa Zsa Padilla nga dili pa niya matino kung kanus-a sila magpakasal sa architect nga si Conrad Onglao gumikan sa kapuno sa iyang schedule. Busy karon ang aktres sa seryeng “The Story of Us” nga gibidahan nila ni Kim Chiu ug Xian Lim. Suma pa ni Zsa Zsa nga gimingaw na siya og maayo nga malakip sa TV series . Katapusang nilugwa si Zsa Zsa sa “Dyesebel,” nga nahuman niadtong July 2014. “Siyempre nakaka-miss mag-drama. Kasi first time ko talaga makaeksena si Kim ng drama. Natutuwa ako kasi ang galing galing niya kahit hindi kami magtinginan, nakaka-relate kaming maigi sa storya, siya bilang anak at ako bilang ina,” suma pa niya ngadto sa ABS-CBN News.
Duha ka istasyon
Magpabilin si Sam Pinto sa gag show sa GMA- 7 nga Bubble Gang bisan pa man sa pagkalakip niya sa Ang Panday sa TV5. Nasayran nga gidumala si Sam sa Viva busa makatikang ra siya sa TV5.
Pribadong seremonya
Gipaneguro nila ni Dingdong Dantes ug Marian Rivera nga himoong pribado ang bunyag sa ilang anak nga si Letizia. Todo pangandam na ang duha alang sa maong okasyon.
Balay sa Amerika
Gikatahong nakapalit og balay si Michael V. sa Amerika . Bunga kini sa kahago sa komedyanteng aktor sa showbiz.
Suporta sa Ex-GF
Nitikang si Rocco Nacino sa concert ni Lovi Poe sa miaging gabii. Ang duha gikatahong nagbuwag na apan nagpadayon gihapon ang ilang komunikasyon.
Maine ug Marian nagkaabot na gyud
Sa labing unang higayon, nagkaabot na gyud ang duha sa giisip nga big female stars sa GMA Network, ang Primetime Queen nga si Marian Rivera ug ang Dubsmash Queen nga si Maine Mendoza.
Nahitabo ang panagkita nila ni Marian ug Maine sa GMA Thanksgiving Party alang sa ilang advertisers niadtong Miyerkules sa gabii, February 10, sa Shangri-La Hotel, Makati City.
Star-studded ang maong event gumikan nagbaha ang mga artista sa Kapuso Network.
Usa sa nakaangkon og atensyon mao ang pag-abot sa duha ka sikat nga tandem sa Kapuso network: ang DongYan nga sila si Dingdong Dantes ug Marian Rivera ug ang AlDub nila ni Alden Richards ug Maine.
Wala na sa venue si Maine sa dihang miabot sila si Marian ug Dingdong.
Suma pa sa impormasyon nga nahagpat sa PEP.ph, misaka kini sa kuwarto sa hotel aron mag-ilis og outfit.
Pagbalik niini sa party, deretso dayon kini og duol sa lamesa nga nahimutangan ni Marian ug nagtupad dayon ang duha.
Ang duha nagpasilong sa susama ra nga talent management , ang Triple A ni Mr. Tony Tuviera, apan niadtong higayona pa gyud sila nagkakita sa personal.
Martin miangkon sa nude photo
Nalambigit na pud og balik sa nude photo scandal ang aktor nga si Martin del Rosario.
Kahinumduman nga sa miaging adlaw, dunay mikatap nga hulagway sa lalaki nga naka-sando apan wala kini magsul-ob og underwear busa klaro kaayo ang kinatawo niini.
Susama matud pa hitsura ni Martin ang maong lalaki sa video.
Sa pakighinabi ni Martin sa pep.ph sa miaging gabii, tataw nga niangkon kini sa maong video apan wala kini kahinumdom kung kanus-a kini nahitabo.
“Well, mukha ko ‘yan... sando ko ‘yan, alam ko.Una, hindi ko alam kung sino yung kumuha or hindi ko maalala yung moment na ‘yan.Hindi ko alam kong sino yung mga kasama ko nung kinuha ‘yan. Hindi ko alam kung totoo tuloy. Ibig sabihin, pinagdudahan ko yung picture mismo. Pero kita ko yung sarili ko, e.Pero may nakita akong mga blur-blur, pero hindi ko na tuloy sure, since hindi ko matandaan yung moment na ‘yan. Kung edited ba siya or ano,” matud pa sa aktor.
Gipadayag hinuon ni Martin nga wala siya masayod nga duna ni-video kaniya sa maong hitabo busa nakaingon siya nga kinahanglan magbinantayon na siya kanunay.
“Kung ako man ‘yan, siguro hindi ako naging maingat, e. Hindi ko rin naman alam na nakunan ako. Siguro normal lang naman na… wala naman akong ginagawa diyan.Siguro naglalakad lang ako na talagang walang ano [brief], tapos nakunan ako.Tapos, I learned my lesson, dapat mag-ingat ako next time,” dugang pa sa aktor.
Samtang mensahe niya sa mga nakakita sa video: “Move on na. Nakita niyo na, e, okay. Okay lang.”
Kahinumduman nga makadaghan na nga higayon nga nalambigit si Martin sa susamang isyu apan kanunay kini nga mo-deny.
Toni nagsabak
Nagsabak ang 32 anyos nga aktres nga si Toni Gonzaga alang sa unang anak nila sa iyang bana nga si Paul Soriano.
Kini maoy gikumpirmar sa tinubdan sa source PEP.ph (Philippine Entertainment Portal).
Sa pagsuwat niining balitaa, wala pa’y opisyal nga statement sila si Toni ug Paul kalabot sa maong taho.
Sa ilang social media accounts, wala pa mohatag og timailhan ang magtiayon.
Ang pagsabak matud pa ni Toni maoy gidudahan nga rason nga nalangan ang pagama sa upcoming primetime series sa ABS-CBN nga Written In Our Stars, kung diin kauban niya sila si Piolo Pascual, Sam Milby, ug Jolina Magdangal.
Kahinumduman nga niadtong July 2015, gianunsyo nga sugdan na ang taping sa Written In Our Stars ug gikatakda kini nga ipasalida sa first quarter sa 2016.
Publiko patabangon sa MTRCB
Giawhag sa chairman sa Movie and Television Review and Classification Board (MTRCB) nga si Atty. Eugenio “Toto” Villareal ang publiko nga mo-kooperar alang sa pagsumpo sa mga public utility vehicle ilabi na ang bus ug mga barko nga giingong mopasalida og pelikula nga dili haom sa rating nga General Audience (G) o Parental Guidance (PG).
Suma pa ni Villareal atol sa pakighinabi niya kagahapon sa Cebu Entertainment Group (E Group), nga nakig-alayon na usab ang iyang ahensya sa Land Transportation Franchising and Regulatory Board alang sa pagsugpo niini.
Matud pa niya nga kung makabantay man gani ang mga pasahero ilabi na sa ginikanan nga nagsalida og law-ay ang sulod sa bus ug barko, kinahanglan nga itug-an kini sa kapulisan o ba kaha sa LTFRB.
Suma pa niya nga gamay lang ang mga tawo sa MTRCB busa duna sila’y gipakatap nga deputized agents , apan mahimo ra gihapon maka-report ang mga pasahero.
“Kunin mo lang yung pangalan ng bus, oras , o kaya title ng movie, at iba pang mahalagang impormasyon, “ suma pa ni Villareal.
Kalabot sa problema sa piracy, dili nila kini kontrol ug aminado siya nga kinahanglan nga duna’y himuong pagtambayayong niini uban sa Optical Media Board nga kinahanglan pa nga ipaubos sa legislation.
Sa pakighimamat ni Villareal sa E-Group, nipadayag siya nga dako og papel ang mga ginikanan aron paghatag og pahimagno sa ilang mga anak.
Ilaha nga gi-promote karon ang kampanya nga gitawag og “Matalinong Panonood Para sa Pamilya At Lipunan Nina Juan at Juana”.
Dugang pa niya nga maayo ang dagan karon sa mga programa sa telebisyon human nagkadaiyang reklamo nga nadawat niini kaniadto apan matag adlaw gyud ang pag-monitor nila niini.
Labing ulahi nga nadawat nila nga reklamo mao ang isyu sa seryeng On The Wings of Love apan nasulbad na kini.
Kahinumduman nga gipatawag sa MTRCB ang pipila ka opisyales sa ABS-CBN ingon man usab ang mga nagdumala sa seryeng On The Wings of Love aron hisgutan ang January 11 episode sa maong serye.
Kalabot kini sa reklamo sa Philippine National Police (PNP) sa dili makiangayon nga pagamit sa police uniform sa telebisyon.
Nasayran nga sa maong episode, gihimo ang bridal shower alang kang Nadine Lustre, sa tunga-tungang bahin, misulod si James Reid ug nidalit og sexy dance sa iyang hinigugma. Bisan pa man nga nangayo na og pasaylo ang OTWOL ngadto sa kapolisan kalabot sa maong eksena, gihimo gihapon sa MTRCB ang panagtigom ug nigama sila og mga pamaagi ug dili na kini mausab.
- Latest