Gipasigarbo ang bangs

CEBU, Philippines - Gipasigarbo ni Lani Misalucha ang iyang bangs ug usa kini sa iyang estilo aron dili pud mapul-an ang mga tawo sa iyang hairstyle. Nagpusot-pusot ang mga gig ni Lani karong panahona ug nagtimailhan kini nga wala gihapon mahupas ang iyang singing career.

Ciara napungot og maayo

Padayon nga gipadungog-dungog ni Ciara Sotto sa social media ang giingong babaye nga maoy rason sa breakup nila ni Jojo Oconer.  Nagdumili gihapon si Ciara pagbutyag sa pangalan sa maong babaye.

Kompetisyon

Ang I Love OPM ni Anne Curtis maoy pang-atbang sa ABS-CBN ngadto sa Born To Be A Star sa TV5.  Magsugod na karong February 13 ang I Love OPM

Kever ang show

 “It’s none of my business,” mao kini ang lenggua ni Sunshine Cruz sa dihang gikuhaan siya og reaksyon kalabot sa tsismis nga matud pa duna’y laing anak si Cesar Montano sa laing babaye. Giingong gipanganak kini sa dihang buwag na sila sa aktor.  Padayon nga tak-om si Cesar sa maong taho.

Nanuroy sa HK?

Mitumaw na pud ang mga hungihong  nga  matud pa duna’y higayon nga nanuroy sila si John Lloyd  Cruz ug  Bea Alonzo.  Giingong uyab pa sila si John Lloyd ug Angelica niadtong higayona.

Okay ra

Okay lang kang Angeline Quinto nga mokanta sa kasal ni Ruffa Mae Quinto kung makadawat siya og imbitasyon. Si Ruffa Mae maoy ex-boyfriend ni Erik Santos kinsa gidungog nga espesyal sa kasingkasing ni Angeline.

Petsa gisabotan pa

Gitataw ni Denise Laurel nga wala pa gyu’y final date sa kasal nila ni Sol Mercado.  Posibleng mahitabo kini sa katapusang bahin karong tuiga.

Excited permi

Nalingaw ra si Dingdong Dantes sa iyang pag-atiman sa anak nila ni Marian Rivera nga si Letizia.  Usahay, siya ang mopakaligo niini.  Suma pa sa  aktor, matag human niya sa trabaho, magdali-dali gyud siya og uli gumikan kay maghinam-hinam siya nga makakita nila ni Marian ug sa ilang anak.

Barbie aktibo sa pagtabang

Nakadawat si Barbie Forteza og Certificate of Appreciation gikan sa Philippine Children’s Medical Center gumikan sa kanunay niya nga pagtabang sa mga programa sa maong tambalanan. Usa si Barbie sa aktibo kaayo nga nisuporta  sa  “Adopt-A-Room” project.

Gisuwerte ang career

Malipayon ang mag-uyab nga sila si Richard Guttierez ug Sarah Lahbati gumikan kay maayo ang dagan sa ilang career ilabi na sa pagsulod sa 2016.  Padayong matan-awan si Sarah sa ASAP sa ABS-CBN, samtang si Richard nagpanikad na sa TV series nga Ang Panday sa TV5.

Beyonce giabibahan og maayo

Gipabilin sa  American pop ug R&B singer nga si Beyoncé ang  iyang hugyaw nga  dance moves bisan pa man nga  hapit siya madagma atol sa iyang  performance sa bag-ohay lang nga Super Bowl 50 halftime show.

Wala nagpaapekto si Beyonce sa  maong kalit-kalit nga sitwasyon  ug nilutaw gyud ang iyang pagkamaayo nga performer  ug giabibahan siya og maayo sa mga tawo.

Nakauban niya sa entablado ang British rock band nga Coldplay ug ang Fil-Am singer nga si  Bruno Mars kinsa maoy nagpasikat sa Uptown Funk.

Nisamot ka hugyaw ang  production number  human gipakita ang  Black Lives Matter movement nga tribute alang sa  black revolutionaries.

Dili na makigbalik og ex

Gipadayag ni Derek Ramsay nga malipayon na siya karon sa iyang relasyon busa wala na siyay balikan sa iyang mga ex-girlfriend. Niadtong high school hinuon siya, nakigbalik siya og kanhi niya uyab.

“No, I’m very happy.

“I definitely have a stand already in my life.

“I’m more private at hindi ko yata kaya ang pressure ng showbiz relationship.

“Ang longest relationship ko, si Angelica, six years.

“Si Solenn Heussaff, four years. Si Solenn is getting married or married already.

“I don’t see myself going back because right now, I’m looking forward.”

Ang model nga si Joanne Villablanca ang hinigugma ni Derek. (BANAT NEWS)