Jason duna’y video scandal?
CEBU, Philippines - Si Jason Abalos napud ang naintriga nga matud pa duna’y video scandal. Apan kung ang supporters sa aktor ang pasultion, susama ra og panagway ni Jason ang lalaking nakita sa video.
Mobalik na sa nasud
Moabot karong adlawa sa Pilipinas ang magtiayong Vic Sotto ug Pauleen Luna human sa pipila ka adlaw nila nga honeymoon sa Maldives. Nagsagunson og post og mga hulagway si Pauleen sa Instagram busa updated ang ilang fans.
Gipauban ang GF
Kauban ni Derek Ramsay sa premiere night sa pelikulang Love Is Blind ang iyang girlfriend nga si Joanne Villablanca. Nagpalayo ang uyab ni Derek sa nahimutangan sa aktor aron dili kini makakawat og eksena sa maong kalihukan.
Yaying
Nagpanikad na si Ai Ai delas sa upcoming niya nga pelikula gumikan kay Mother’s Day presentation kini sa Regal Films. Ang maong proyekto nag-ulohan og Yaying.
Liza nakapuntos ni Cherie
Usa sa nidayeg sa kaanyag ni Liza Soberano mao ang beteranang aktres nga si Cherie Gil. Nalakip ang maong aktres sa serye nila ni Liza ug Enrique Gil nga Dolce Amore. Suma pa ni Cherie nga gi-Google gyud niya si Liza ug didto niya nasuta nga puwerte diay’ng sikata ni Liza.
Kontento sa istado
Giangkon ni Eugene Domingo nga wala na siya’y plano nga makabaton og anak. Kontento na siya karon sa iyang istado sa kinabuhi. “Kung gusto ko talaga magkaanak, sana noon ko pa pinlano, ‘di ba?,” suma pa sa komedyanteng aktres.
Michael V gidibuwenas
Nakadaug ang mga programa nga gibitoonan ni Michael V. sa 2016 Platinum Stallion Media Awards sa Trinity University of Asia. Naangkon sa Pepito Manaloto award nga Best Value-Oriented Program, samtang ang longest-running gag show nga Bubble maoy napili nga Best Gag.
Enrique ug Shaina magpares
Magpares puhon sila si Enrique Gil ug Shaina Magdayao sa indie film nga gipanday karon ni Direk Paul Soriano. Malakip usab sa maong proyekto sila si Christopher de Leon, Bing Pimentel, Bangs Garcia ug Alex Medina.
Mga hurado ginganlan na
Sila si Martin Nievera, Lani Misalucha ug Toni Gonzaga maoy mga hurado sa upcoming show ni Anne Curtis sa ABS-CBN nga I Love OPM (Original Pinoy Music). Magsugod na ang maong show karong February13 sa gabii .
Nahilom og kalit
Nahilom og kalit ang movie project nga gibidahan ni Nora Aunor kung diin kauban niini sila si JC de Vera ug Jonares Flores. Nasugdan na matud pa ang maong proyekto busa nakapangutana ang fans sa superstar kung kanus-a kini ipasalida.
Winner sa 2016 Sinulog Short Film Festival
Nagmalampuson ug mabulokon ang awarding ceremony sa 2016 Sinulog Short Film Festival ug Sinulog Photo Contest nga gipahigayon niadtong Sabado alas 6 sa gabii sa Cinema 2, SM City Cebu.
Nagpaabot sa iyang dakong pasalamat ang Executive Director sa 2016 Short Film Festival nga si Ricardo Ballesteros, JR. ngadto sa tanang nakatampo sa kalampusan sa maong tinuig nga kompetisyon ug usa sa iyang ginganlan mao si Director Victor Cuenco. Gawas ni Cuenco gipasalamatan niya ang tanang directors sa short film entries. Dugang ni Ballesteros, deserving tanan nga mananaug gumikan kay sila nagpakita unsa ka maayo ang mga Cebuano sa bisan unsa nga aspeto.
Gipasigarbo usab ni Ballesteros ang mga hurado gikan pa sa kaulohan sama sa Multimedia Personality nga si Erlito Reyes, Victor Acedillo, Chris Millado, Loy Arcenas ug ang Chairman sa board of Judges nga si Nestor Jardin.
Ang maong kalihokan naglangkob sa duha ka kategoriya nga naglangkob sa Photo Contest ug Short Film. Lakip sa short film mao ang music video contest ug video documentary. Gipahigayon ang screening sa tanang entries sulod sa samang venue sa wala pa gipahigayon ang awarding ceremony.
Nanghakot og awards sa Video Documentary Category ang grupo nilang Januar Yap ug Hannah Gabiana alang sa ilang documentary nga Ann Savage.
Istorya kini kabahin sa kinabuhi sa tattoo artist nga si Ann Savage. Matod ni Ann nga dako siya og pasalamat ni J Yap nga siya ang gipili sa buhatan og documentary ug nanghinaot siya nga parti gihapon siya sa production sunod tuig.
“I hope to be part in the team again next year,” hirit pa niya.
Sa Short Film category, napili nga grand winner ang pelikulang “Igsuon” ni Christian Paolo Lat. Matod ni Lat, gihalad niya ang short film sa iyang lola nga mipanaw sa miaging buwan gumikan sa sakit nga cancer. Nasakmit usab sa pelikulang “Amahan Ko” ang tanan nga acting awards gawas lang sa Best Child Performer nga naangkon ni Shun Bacalla sa “Igsuon.” Ang sikat nga magsisibya sa Sugbo nga si Dante Luzon maoy Best Actor alang sa “Amahan Ko.” Sigun ni Luzon nga first Acting Award niya kini kay sa niaging tuig puro ra news related ang iyang mga awards. Oras ug pagbansay sa linya ang dakong hagit alang kaniya atol sa paghimo sa pelikula.
Samtang mapasigarbuhon si Daniel Ybanez nga sa iyang ika 13 nga awards sulod sa napulo na katuig og inapil sa Sinulog Photo Contest, nasakmit na gyud niya ang Grand Prize.
Gideklarang Grand winner sa Photo Contest si Ybanez sa unang higayon. Sa iyang bahin si Gary Cortez dakong kalipay nga sa 11 mil ka mga entries sa Photo Contest, nasulod jud siya sa 53 ka mga winners. Si Cortez gideklarang 9th place sa Float/higante puppeteers procession category.
Gipasidunggan usab isip grand winner sa Music Video Category ang “Ang Mabulukon Kong isla” ni Razsil Zuasola.
Ang tanan nga mananaog giisip nga inspirasyon sa ilang mga obra ang balaang bata, Sr. Sto Niño.
Ang host sa awards night mao sila Vince Escario ug Phoebe Kaye Fernandez. Nihalad usab og awit sa maong kalihokan ang Sinulog Idol 2016 Finalists nga gipangulohan sa grand winner nga si Jared Roble ug Talentadong Pinoy winner Fire Attraction.
Nagmaya usab ang Kapamilya star nga si Dionne Monsanto gumikan kay siya ang napili nga best actress alang sa Lunch Box nga nalakip sa listahan sa IEC 2016 special awardee
Ania ang listahan sa mga mananaog:
SHORT FILM CATEGORY
Grand Prize Winner: “Igsuon” by Christian Paolo Lat” (P100,000)
2nd: “Lunch Box” by Remton Siega Zuasola (P50,000)
3rd: Ang Bitoon ug ang Barungoy by Lindsey Banaynal (P30,000)
IEC 2016 Special Awardee:
Pang-Gasto Best Director: Remton Siega Zuasola (Lunch Box)
Best Actress: Dionne Monsanto (Lunch Box)
Best Actor : Dante Luzon (Amahan Ko)
Supporting Actress: Janice Gimena (Amahan Ko)
Supporting Actor: Ben Jayma (Amahan Ko)
Best Child Performer: Shun Bacalla (Igsuon)
MINOR AWARDS
Screenplay: “Ang Bitoon ug ang Barungoy” by Lindsey Banaynal
Cinematography: Igsuon by Dominic Lat
Production Design: Leyenda – Eli Razo (Bree Esplanada Andrew Esplanada James Webb)
Editing: Igsuon – Christian Paolo Lat
Musical scoring: Igsuon – Nikolo Salazar and Shilton Calamba
Special Citations:
Best in Playbill: Igsuon
Poster: Igsuon Packaging: Leyenda by Eli Razo Animation: Ang Bitoon ug ang Barungoy by Lindsey Banaynal Art direction: Leyenda by Eli Razo
VIDEO DOCUMENTARY CATEGORY
Grand Prize Winner: Salamat Niño by Ademar Ochotorena (P100,000)
2nd: Ann Savage by Januar Yap, Hannah Gabiana and Alex Badayos (P50,000)
3rd: Belo ng Manopello by Fr. Richard P. Lagos (P30,000)
Minor Awards:
Best Story: Ann Savage (Januar Yap & Hannah Gabiana)
Best Editing: Ann Savage (Januar Yap & Hannah Gabiana)
Best Musical Scoring and Sound Eningeering: Ann Savage by Wendell Ypil
Best Cinematography: Salamat Niño by Ryan Carpio & Ferdinand Gonzales
Best Direction: Ann Savage – Januar Yap Best Story: Ann Savage Hannah Gabiana
Special Citation: Poster – Ann Savage (Januar Yap & Hannah Gabiana)
Packaging – Ann Savage (Januar Yap & Hannah Gabiana)
MUSIC VIDEO CATEGORY
Best Music Video: Mabulukon Tang Isla by Razsil Zuasola (P30,000)
2nd: Hinungdan sa Pagtuo by Jay Arr Librando (P20,000)
3rd: Super Sr. Sto. Niño by Kurt Fick (P10,000)
Special Citation:
Best in Animation – Super Señor Sto. Nino by Kurt Fick
Packaging – Hinungdan sa Pagtuo by Jay Arr Librando
PHOTO CONTEST CATEGORY
1st place - Daniel Ybañez
2nd place - Josephus Tudtud
3rd place - Teresito Ybañez
Darna naamong sa isyu
Hugtanong gihimakak ni Luis Manzano nga duna’y kalabotan ang movie project nga Darna sa nagtakilid nga relasyon nila ni Angel Locsin.
Kahinumduman nga malakip unta si Angel sa maong proyekto apan iyaha kining gibalibaran gumikan kay dili makasugakod ang kahimtang sa iyang lawas,
“Honestly, walang kinalaman ang Darna. Nagulat ako sa Darna issue na 'yan. There are so many speculations. Ibigay na natin sa kanila 'yung mga gusto nilang isipin at the same time, ibigay na nila sa amin 'yung natitira para sa amin,” tsika pa ni Luis ngadto sa Pep.ph.
Bisan pa man sa ilang sitwasyon karon, gipadayag ni Luis nga nagpadayon ang komunikasyon nila ni Angel. “Oo naman. In fact, magka-text kami kahapon. Okay kami, hirit pa sa TV host.
Mapasalamaton si Luis sa tanan nila nga supporters nga concern sa nahitabo nila karon ni Angel.
Mga tinun-an nahiubos sa AlDub
Aduna’y pipila ka mga tinun-an sa Trinity University of Asia ang nahiubos nila ni Alden Richards ug Maine Mendoza gumikan kay wala kini nitikang sa gipahigayon bag-ohay lang nga Platinum Stallion Media Awards sa maong tunghaan. Nasayran nga nakadaug ang AlDub alang Best TV Advertisement sa giindorso nila nga food chain, samtang napili pud sila nga Best Male/Female Advertisers.
Sila si Ruby Rodriguez ug Ryzza Mae Dizon maoy nidawat sa mga award sa AlDub.
Samtang ang AlDub nation nipadayag nga busy ang ilang idolo sa uban nila nga proyekto busa naglisod kini og tikang sa maong kalihokan.
- Latest