Laban gyud sa papa

CEBU, Philippines - Dili manghilabot si Diego Loyzaga sa mga isyu nga giatubang karon sa iyang amahan nga si Cesar Montano, ilabi na ang kabahin sa child abuse complaint nga gisang-at sa asawa niini nga si Sunshine Cruz.

Ni Diego pa ngadto sa www.pep.ph, “I heard of rumors but never akong nagka-interest na alamin ang mga problema or tsismis tungkol sa kanya.

“Tatay ko po siya so never  in my interest na siraan siya,  mahal ko naman ang tatay ko. 

“Sorry to be blunt, pero wala akong paki kung ano ang pinagsasabi nila tungkol sa tatay ko. 

“I know my father and I spend time with my father, so I know him as a person he is.”

Malipayon matud pa siya nga gibasura sa Quezon City Prosecutor’s Office ang reklamo ni Sunshine batok kang Cesar.

“That’s a good thing, obviously wala nang issue.”

Dream come true

Gipadayag ni Miss Universe Pia Wurztbach ang iyang kalipay atol sa kasal ni Pauleen Luna ug Vic Sotto sa nilabay nga semana. Sa iyang instagram, iyang gibutyag nga malipayon silang duha ni Pauleen gumikan kay natuman gyud ang damgo nila sa kinabuhi.

Encantadia?

Gibutyag ni Dingdong Dantes nga adunay dakong posibilidad nga magkauban sila sa iyang asawa nga si Marian Rivera sa usa ka project karong tuiga. Wala gidetalye ni Dingdong unsa kini, apan may mga nagduda nga ang remake sa Encantadia ang gipasabot ni Dong.

Follow-up album

Giluto na sa GMA Records ang follow-up album ni Alden Richard. Nag-meeting na ang management ug ang kampo ni Alden niadtong Biyernes alang niini. Kahinumduman nga triple platinum na ang Wish I May album ni Alden karon.

Vice gisapot sa DFA

Gisapot si Vice Ganda sa mga empleyado sa Department of Foreign Affairs (DFA) gumikan kay nagpasalida matud pa kini og pirated copy sa pelikulang A Second Chance.  Kini human usab nag-post ang Star Cinema executive nga si Mico del Rosario kabahin niini.

Mommy Beauty

Nanganak na si Beauty Gonzales og batang babaye niadtong nilabay nga adlaw. Caption ni Beauty sa hulagway nga iyang gi-upload sa instagram mao ang lyrics sa awit nga “Top of the World” isip paghulagway sa iyang gibati.