Paneguro

CEBU, Philippines - Tsika pa ni Maine Mendoza nga duna gyud siya’y mga konsiderasyon sa dili pa siya mo-endorso og produkto. Gipaneguro ni Maine nga matagamtaman ang maayong kalidad niini.  Giangkon ni Maine nga medyo nakalitan pa siya sa kalit niya nga pagsidlak ug iyang gipasalig nga magpabilin siya nga mapaubsanon. 

KimXi duna’y love scenes

 Aduna’y love scenes sila si Kim Chiu ug Xian Lim sa bag-ong serye sa ABS-CBN nga  "The Story of Us”.  Gipamatud-an sa duha nga dili ra sila puros pa-cute sa TV screen. Masaligon si Xian nga wala mapul-an ang mga tawo sa ilang tandem.

Naglikay sa pangutana

Wala si JM de Guzman sa presscon sa iyang indie movie nga Tandem ug ubang bida lang ang nitikang niini. Aduna’y mga pagduda nga wala gipalugwa si JM aron dili kini maputos sa mga pangutana ilabi na sa nigawas nga intriga nga gipasulod na pud siya og balik sa rehabilitation center.

Echo mobalik sa indie

Gimingaw na si Jericho Rosales og independent film busa target niya nga makasuway og balik niini karong tuiga. Katapusang indie film ni Echo mao ang Alagwa niadtong 2012 kung diin nalakip kini sa Busan International Film Festival sa South Korea.

Liwat sa ginikanan

Gibutyag ni Bailey May nga naliwat siya sa iyang ginikanan nga mahiligon usab sa pagkanta. Malipayon si Bailey sa paghangop sa mga tawo sa iyang tingog. Malipayong gipahibalo ni Bailey nga duna siya’y umaabot nga album ug hapit na kini i-release.

Ronnie gisuspenso

Ang Sandiganbayan miisyu og 90 ka adlaw nga preventive suspension kang Optical Media Board chairman Ronaldo “Ronnie” Ricketts ug laing tulo ka mga kauban niini . Kini kalabot sa alegasyon nga  matud pa dili mao ang paghupot sa mga nakumpiskar nga DVDs ug VCDs niadtong 2010.

Joseph  mihilak

Nakahilak si   Joseph Marco   human niya masayri  nga mahuman  na karong February 26 ang Pasion De Amor nga naglawig og maayong sa rating.  Suma pa sa aktor nga mingawon gyud siya sa mga kaubanan niya sa maong serye.  “May mga times dati na gusto ko na matapos kasi ang haba-haba na pero at the end of the day, it’s still a blessing, e. And lalo na ngayon na na-attach ako sa kanila, parang ayoko na matapos,” suma pa ni Joseph.

Darren gidayeg ni Fantasia

Human nakadawat kaniadto  og pagdayeg gikan sa nagkanta  sa Chandelier nga si  Sia , lain na pud nga international singer ang nidayeg kang Darren Espanto. Kini mao ang American Idol Season 3  winner nga si Fantasia Barrino. Nahugyaw si Fantasia sa version ni Darren sa  “I Believe.” “This is beautiful..your voice will touch so many people,” suma pa ni Fantasia.

Paukyab nga teaser

Aminado si Nadine Lustre nga daghan gyud ang  naguol pagkakita sa teaser sa On The Wings of Love kung diin nagbuwag ang karakter nila ni James Reid isip Clark ug Lea. Sa maong teaser, niuban si Lea kang Simon nga gidala ni Paulo Avelino. 

Probinsiyano nagpungasi ang rating

Maayo ang dagan sa serye ni Coco Martin nga “Ang Probinsyano” sa pagbukas sa buwan sa Pebrero gumikan kay gisugat dayon kini og makabuhong nga TV rating.

Suma sa Kantar Media, nakabaton kini og 45.9 % nga  national TV rating niadtong Lunes sa gabii, February 1, samtang ang kaatbang niini nga Little Nanay ni Kris Bernal  sa GMA-7 nakaangkon lang og 18.1%.

Nasayran nga  ni-click pag-ayo ang karakter ni Coco isip Paloma, kung  diin nagpaka aron-ingnong  babaye  aron pakgangon ang sindi-kato nga modagit og mga ba-baye.

Una na nga gipadayag ni Coco nga dakong hagit alang kaniya nga mahimong bida sa maong serye ilabi na nga si anhing Fernando Poe Jr. maoy  orihinal nga bida sa movie version niini.

Reklamo batok Cesar gibasura

Gibasura sa  Quezon City Prosecutor’s Office ang mga reklamo ni Sunshine Cruz nga child abuse (R.A. 7610) ug  Anti-Violence Against Women and their Children (R.A. 9262) batok sa iyang  estranged husband nga si Cesar Montano.

Pinirmahan ni   Assistant City Prosecutor Ferdinand Baylon ang resolusyon  nga nagluwas  kang  Cesar sa  maong kaso   nga gisang-at ni  Sunshine sa  korte niadtong  February 2015.

Nagsugod ang maong  kaso sa dihang nireklamo si  Sunshine nga matud pa  duna’y bastos nga gibuhat  si  Cesar atubangan sa ilang mga anak nga babaye  niadtong November 16, 2014.

Matud pa sa aktres kaniadto nga niresulta kini sa  'distress, psychological, and emotional violence' alang kaniya  ug sa ilang  mga anak .

Apan matud pa sa prosecutor walay igong basehanan o  “probable cause”  ang reklamo nga gisang-at ni Sunshine.

Suma pa sa prosecutor, wala ma-notarize ang mga suwat matud pa sa anak nila ni Cesar nga nagsaysay sa nahitabo ug wala sab kini patungaha sa husay aron unta pamatud-an nga ila gayod kadtong suwat ang giduso ni Sunshine isip ebidensya.

Gumikan niini, nahug nga tabi-tabi o hearsay lamang ang tanan hinungdan nga angayan gayud kining ibasura.

Kathryn, James ug Enrique nominado sa Nickelodeon

Nominado ang Kapamilya stars nga sila si   Kathryn Bernardo, James Reid ug  Enrique Gil sa  2016 Nickelodeon Kids’ Choice Awards  alang sa .Favorite Pinoy Personality category.

Ang maong kalihokan nakatungtong na karon sa ika-27 ka tuig  ug ang mga tawo ang mohukom sa mananaug pinaagi sa online voting.

Mahitabo na ang  big night sa Nickelodeon Kids’ Choice Awards   karong March 12 ug ang American singer nga si  Blake Shelton maoy host niini.

  Sa nangagi nga mga katuigan , nahimong nominado sa maong kalihukan sila si Sarah Geronimo, Charice ug Daniel Padilla.  (BANAT NEWS)