Claudine ug Diet magpares
CEBU, Philippines - Pipila sa mga bag-ong programa sa TV5 sa first quarter karong 2016 mao ang teleseryeng Bakit Manipis ang Ulap nga pagabidahan nila ni Claudine Barretto ug Diether Ocampo. Banhawon usab sa TV5 ang Panday nga pagabidahan ni Richard Gutierrez.
Popsters gisugdan na
Gipahibalo ni Sarah Geronimo nga duna siya’y mobile game nga gitawag og Popsters. Seguradong magmaya ang iyang fans gumikan kay susama ra nga makauban nila kanunay ang singer gumikan sa maong mobile game.
Naglain ang tiyan
Gihimakak ni Carla Abellana ang taho kaniadto nga matud pa mi-walkout si Tom Rodriguez sa premiere night sa pelikulang No Boyfriend Since Birth (NBSB) gumikan kay gi-dub og laing tawo ang tingog niini. Suma pa ni Carla nga naglain lang gyud ang tiyan ni Tom niadtong higayona hinungdan nga wala kini mohuman sa maong kalihukan.
Shode retoke
Gibutyag ni Gabby Concepcion nga natural lang ang kabata sa iyang hitsura ug wala siya’y plano nga iparetoke ang iyang nawong.”Gusto ko natural lang,” hirit pa niya.
Kinabuhing minyo
Gipadayag ni Shalani Soledad-Romulo nga wala na siya plano nga mobalik sa pagka-TV host gumikan kay ganahan na siya nga maka-focus sa iyang kinabuhing minyo. Kahinumduman nga nahimong kabahin si Shalani kaniadto sa show ni Willie Revillame nga Willing Willie sa TV5. Busy karon si Shalani sa pagtabang sa kampanya sa iyang bana nga si Pasig Representative Roman Romulo kinsa magpapili pagka-senador.
Anak ni Ai Ai nag-negosyo
Gipasigarbo ni AiAi delas Alas ang iyang anak nga si Sancho gumikan kay usa na kini ka negosyante. Aduna’y restaurant si Sancho nga nahimutang sa Pasig City. Nakahuman ang anak ni Ai Ai og culinary arts.
Gipanalipdan sa BFF
Giklaro ni Bret Jackson nga dili tinuod ang isyu nga matud pa isnabero ang iyang bestfriend nga si James Reid ngadto sa iyang fans. Gihimakak usab niya ang tsika nga duna’y espesyal nga relasyon sila si James ug Julia Barretto.
Elmo kapamilya na!
Mipirma na kagahapon og kontrata sa ABS-CBN ang kanhi Kapuso star nga si Elmo Magalona. Kahinumduman nga gilaay si Elmo sa GMA-7 human sa pipila ka buwan nga wala’y proyekto. Si Janella Salvador maoy makapares ni Elmo pinaagi sa teleseryeng Born For You.
Vegetarian
Tsika pa ni Rafael Rosell nga magbalon gyud siya og kaugalingong pagkaon sa set sa teleseryeng Because of You sa GMA7 gumikan kay dili siya mokaon og karne nga maoy kanunay nga rasyon sa taping. Kanunay nga balonon ni Rafael mao ang mga utanon.
Kris napalaw
Napalaw si Kris Aquino sa iyang gi-post sa Instagram sa miaging adlaw kung diin gisaysay niya nga giisnab ni James Yap ang iyang imbitasyon sa first communion sa anak nila nga si Bimby.
Nilugwa kagahapon si James sa first communion ni Bimby ug gipasalamatan siya ni Kris gumikan sa iyang presensya.
Sa Instagram, ni-post si James og hulagway kung diin gisaksihan nila ni Kris ang pagkalawat ni Bimby.
Aduna kini caption nga: “Bimb, congratulations on your First Holy Communion. Palagi mong gawing gabay si God hanggang sa paglaki mo. I love you so much my son at ang love ko sayo ay ang isang bagay na 'di kayang alisin ng nino man sa akin. God bless you anak at napaka-ligaya ni Papa na nagkasama tayo muli!.”
A Second Chance P43.3M sa unang adlaw
Nagbaha ang tawo sa mga sinehan nga nagpasalida sa pelikula nga “A Second Chance” nga gibidahan nila ni John Lloyd Cruz ug Bea Alonzo.
Mikita kini og P43.3 million sa opening day niini niadtong Miyerkules busa naghudyaka ang Star Cinema.
“The overall ticket sales was recorded at 1:42 a.m. Thursday, as cinemas added more midnight screenings “due to the deluge of audience in the evening,” statement sa Star Cinema.
“Mula po sa Hong Kong Disneyland, ito po si John Lloyd Cruz nagpapasalamat sa lahat po ng nanood ng ‘A Second Chance’ sa aming first day. Thank you so much. Sa mga hindi pa nakakapanood, palabas na po ang ‘A Second Chance’ mula sa Star Cinema,” suma pa ni Lloydie kinsa tua karon sa Hong Kong.
Nalabwan sa "A Second Chance" ang P32 million nga 2015 record sa romantic comedy "Crazy Beautiful You” nga gibidahan nila ni Daniel Padilla ug Kathryn Bernardo. Gawas nila ni Bea ug John Lloyd, nalakip usab sa maong pelikula sila si Dimples Romana, James Blanco, Bea Saw, Janus del Prado, ug Ahron Villena.
- Latest