Stephanie “naduslak” ang kasingkasing

CEBU, Philippines – Mo-focus sa iyang singing career ang Cebuana performer ug usa sa mga sakop sa nagkasikat na nga Power Trio nga si Stephanie Patana Mananquil ug mopahuway una sa pagsulod og seryosong relasyon.

Dili pa lang dugay, nagbuwag na sila si Stephanie sa iyang boyfriend  gumikan kay busy na kaayo silang duha.

Suma pa sa Sugbuanong singer nga dili lalim ang iyang nahiaguman gumikan kay wala sila’y dinagko nga away sulod sa usa ka tuig kapin nila nga relasyon busa wala niya damha nga kalit lang nga mabungkag ang ilang relasyon.

“Grabe ka sakit, first time nako naka-feel ato nga pain. Siya man ang first nga seryoso nako nga nauyab gud,” nagkanayon si Steph kinsa ubos sa pagdumala sa M Talents and Promostions.

Matud pa niya nga ang iyang pagka-busy makatabang aron dali ra siya maka-move on sa ilang panagbuwag.

“Dili malikayan nga makahinumdom ko niya, labi na katung place nga among naadtoan, sayang pud baya. Siguro maabot ra sa saktong panahon ang right guy  nga para sa akoa,” dugang pa niya.

Samtang nagpanikad na si Stephanie gumikan kay i-release na sulod karong tuiga ang iyang album kung diin usa sa mga unod niini,  iyang ka-duet si Michael Pangilinan, ang natingog luyo sa malampuson kaayong awit sa nilabay nga tuig, “Pare Mahal Mo Raw Ako,” ug karon usa sa mga contestant sa Your Voice Sounds Familiar.