Reunion project

CEBU, Philippines – Tsika pa ni Alex Gonzaga nga matawag nga reunion project nila ni Edgar Allan Guzman ang umaabot  nila nga pelikula nga dunay tentative title nga  I’ll Never Get Over You. Suma pa ni Alex nga nagkauban na sila ni Edgar kaniadto sa pipila ka mga programa sa TV5.

Ina nakabentaha

Gawas sa seryeng All of Me sa ABS-CBN, malakip pud si Ina Raymundo sa bag-ong gigama nga serye sa GMA-7. Wala’y exclusive contract ang aktres sa usa ka network busa makatrabaho ra siya bisan asa.

Giuna ang pamilya

Nakapalit na og balay si Liza Soberano alang sa iyang pamilya ug target na pud niya nga magtigom og maayo gumikan kay magtukod na pud siya og kaugalingon niya nga balay. Nagbaha ang product endorsements ni Liza karong panahona.

Regine milugwa sa TV5

Nakugang ang TV viewers sa paglugwa ni Regine Velasquez sa programang Happy Truck Ng Bayan sa  TV5 niadtong Domingo.Gisorpresa ni Regine ang iyang bana nga si Ogie Alcasid kinsa nagsaulog sa iyang birthday. Nikanta si Regine og God Gave Me You. Giingong gitugtan ra si Regine sa GMA-7 gumikan kay espesyal man kini nga okasyon alang sa iyang bana.

Gilinyahan og maayo

Gikatahong gi-extend ang pagpasalida sa pelikulang The Love Affair didto sa Amerika gumikan kay padayon gihapon kini nga gilinyahan sa mga tawo. Ang maong pelikula gibidahan nila ni Richard Gomez, Dawn Zulueta, ug Bea Alonzo.

Gitambagan nga magpaniwang

Giangkon ni Meg Imperial nga duna’y mga higayon kaniadto nga gitambagan siya sa Viva nga kinahanglang dili pasagdan ang iyang lawas sa dihang ni-aksyon siya og katambok.  Mapasalamaton si Meg sa mga proyekto nga gihatag sa Viva.

Coleen nakulbaan

Nakulbaan gamay si Coleen Garcia sa mamahimong reaksyon sa iyang amahan ug sa iyang boyfriend nga si  Billy Crawford kung makatan-aw na kini sa ilang daring  scene ni Derek Ramsay sa pelikulang Ex With Benefits .

Kylie mitin-aw sa isyu

Gihimakak ni Kylie Padilla ang report nga matud pa nanguyab kaniya si Julian Trono. Una na nga gipadayag sa aktres nga dili pa siya andam mosulod pagbalik sa maong butang.

Liwat sa ginikanan

Gibutyag sa kanhi housemate sa Pinoy Big Brother 737 nga sila si Bailey May  nga puros professional singers sa  England ang iyang ginikanan ug dinhi  niya nakuha ang talento niya sa pagkanta.