Yaya Dub target ni Pacman
CEBU, Philippines - Gawas sa Ginebra, nagplano usab karon si Manny Pacquiao nga kuhaon si Yaya Dub isip muse sa iyang team nga KIA alang sa PBA 41st season opening sunod buwan. Giangkon ni Pacman nga fan siya ni Yaya Dub.
Klaro naman
Gibutyag ni Ejay Falcon nga segurado na nga siya maoy escort ni Ellen Adarna sa umaabot nga Star Magic Ball. Gumikan niini nagduda na ang publiko sa ilang sweetness sa usa’g-usa sukad nag-uban ang duha sa seryeng Pasion de Amor.
Alex mitubag
Mitingog na si Alex Gonzaga sa obserbasyon sa pipila ka TV viewers nga matud pa dili siya angayan sa iyang sipat nga imahe sa ASAP kung diin daghan na hinuon ang napungot kaniya. “Hindi naman kami magpapakabida. Kasi kung hindi rin naman kami kailangan sa show, aalisin din naman kami. So far, andito pa naman ako sa ASAP, so kung ilan lang ‘yung ibibigay nila sa akin, kung ilang gaps ang ibibigay nila sa akin, or kung may segment silang ibibigay, siyempre, gagawin mo lang,” nagkanayon ang TV host.
Araneta dayon
Malipayon si Alden Richards gumikan kay duna’y tawo nga miduol kaniya ug giingong andam kini mo-produce sa iyang concert. Gusto sa maong producer nga himuon ang iyang concert sa Araneta Coliseum. Wala pa’y final nga hukom si Alden niini gumikan sa iyang ka-busy.
Pasok sa serye
Idugang si Richard Yap sa cast sa seryeng Nasaan Ka Nang Kailangan Kita sa ABS-CBN . Modala siya isip suitor ni Vina Morales. Nagikan sa Cebu sila si Richard ug Vina busa komportable ra sila sa ilang trabaho.
Limitado lang
Tsika pa ni Miguel Tanfelix nga magbinantayon siya kanunay sa pag-post og mensahe sa social media . Dili tanan niya nga gibuhat ang ipahibalo niya sa publiko.”Huwag lahat ilabas,” hirit pa sa aktor.
Proud sa tingog
Dakong garbo alang sa komedyante nga si Boobay ang paghatag og tingog sa iro ni Marimar nga si Fulgoso . Dakong parte sa kinabuhi ni Marimar ang maong iro busa gipasigarbo niya nga siya ang nagdala sa tingog niini.
Sheryn nia sa Pilipinas
Duha ka buwan mo-istar sa Pilipinas ang Sugbuanong singer o Crystal Voice of Asia nga si Sheryn Regis. Duna’y series of shows si Sheryn sa Casino Filipino sa tibuok nasud.
Nag-ipon
Giangkon sa American actor nga si Lee O‘Brian nga nag-ipon na sila sa komedyanteng aktres nga si Pokwang . Gibutyag ni Lee nga nagpabilin ang kaguol ni Pokwang human napunit ang gisabak niiini.
Tuesday bida na gyud!
Mapasalamaton si Tuesday Vargas sa TV5 gumikan sa labing unang higayon, nahimo siya nga bida sa usa ka show. Siya maoy bida sa programang Kano Luvs Pinay. Gipadayag sa komedyanteng aktres nga dugay na siya nga nangandoy nga makabaton og kaugalingong show. (Sanden J. Anadia)
- Latest