Manolo ug Maris sa MMK

CEBU, Philippines - Sila si  Manolo Pedrosa ug Maris Racal maoy modala sa episode sa “Maalaala Mo Kaya” karong gabii kung diin nagtangag kini sa dili common nga love story.  Modala si Manolo isip bayot apan na-develop siya sa iyang higala nga babaye nga gidala ni Maris.

Nasakpan na pud

Nasigpatan nga nag-date sila si Jennylyn Mercado ug  Dennis Trillo sa  Shangri-La Mall niadtong Huwebes sa gabii.  Hagbay ra nga gidungog nga nagbalik ang duha kinsa mga bida sa GMA7 teleserye ‘My Faithful Husband.”

I-promote ni Kathryn

Ipangampanya ni Kathryn Bernardo ang pelikulang Felix Manalo gumikan kay sakop man siya sa Iglesia Ni Cristo. Malakip diay unta si Kathryn sa maong pelikula apan wala kini mohaom sa iyang schedule.

Manghatag og libro

Gawas sa nagkasaka nga popularidad sa ilang tandem, gihingusgan nila ni Miguel Tanfelix ug Bianca Umali ang ilang programa sa komunidad kung diin manghatag sila og mga libro sa kabataan. Gipadayag sa duha nga importante kaayo ang pagbasa sa usa ka bata aron daghan kini og makat-onan.

Uslan unta

Gidungog nga dunay network nga nisuway og hangyo kang Yaya Dub o Maine Mendoza nga mo-guest sa usa nila ka programa.  Wala kini dawata ni Yaya Dub gumikan kay loyal siya sa Eat Bulaga nga gihuptan sa TAPE Incorporated.

Nagpakaon sa street children

Nanghatag og pagkaon sa mga street children si Lovi Poe sa miaging adlaw. Mao kini ang pamaagi niya sa pagsaulog sa birthday sa iyang amahan nga si anhing Fernando Poe Jr.

Early birthday gift

Nakadawat og early birthday gift si Nikki Gil gikan sa iyang umaabot nga bana nga si BJ Albert. Usa kini ka travel luggage gumikan kay mahiligon man si Nikki og bakasyon  sa laing dapit.

Dakong sipyat

Dugay na nga naka-move on si Paolo Bediones sa video scandal nga  gikalambigitan niya kaniadto. Apan usa sa mga rason nga wala siya mahimutang kaniadto mao nga nasakitan og maayo ang babaye nga kauban niya sa maong video.

Ryan nakahuman og culinary

Nahuman na ni Ryan Agoncillo ang culinary course nga iyang gikuha busa susama na sila sa iyang asawa  nga si Judy Ann Santos nga duna’y  diploma niini. Nahuman niya ang maong  kurso sa Center for Asian Culinary Studies (CACS). (Sanden J. Anadia)